Një gjykatëse ka bllokuar kërkesën e Epic Games për të rikthyer Fortnite në App Store më herët, duke pranuar se ajo është “e prirur” për të lejuar pezullimin e lojës për momentin, pavarësisht se Fortnite Season 4 është vetëm disa ditë larg nga lançimi
Epic kishte kërkuar që gjykata të vendoste një urdhër pezullimi të përkohshëm kundër Apple në lidhje me mbylljen e planifikuar të llogarive të tyre. Ky veprim i planifikuar do të kufizojë zhvilluesit e Fortnite nga shpërndarja e softuerit përfshirë edhe update-tin e mundshëm të Season 4, për produktet e Apple.
“Unë nuk jam e prirur të jap lehtësim pezullimi në lidhje me lojërat,” tha gjykatësja Yvonne Gonzalez Rogers të hënën në mëngjes gjatë ditës së hapjes së Epic Games vs Apple, përmes një thirrjeje publike në Zoom.
Arsyetimi i saj për mbajtjen e bllokimit të Fortnite ishte për faktin se ajo beson se Epic ishte nxitësi i kësaj “lufte” për shkak të lëvizjes së tyre për të vendosur një metodë pagese direkte brenda aplikacionit të tyre mobile. Kjo theu rregulla të shumta të App Store të iOS.
“Klienti juaj krijoi situatën. Klienti juaj nuk mund të vijë në këtë gjykatë me duar të pastra”, u tha gjykatësja avokatëve të Epic gjatë ditës së parë të seancës.
Rogers shtoi faktin se sezoni i katërt i planifikuar për një kohë të gjatë në Fortnite nuk është në horizont, nuk kishte dhe nuk do të ketë, ndikim në vendimin e saj të hënën.
“Në aspektin strategjik dhe në një veprim të llogaritur, ju vendosët të shkelni përpara një sezoni të ri ,” shpjegoi ajo para avokatëve të Epic. ” nuk mund të kenë dëm të pariparueshëm kur krijoni dëm vetes.”
Ajo sugjeroi se Epic duhet të reduktojë çdo ndryshim pagese që ata kishin bërë përpara ban-it të Gushtit. Avokatja e Epic, Katherine Forrest tha se kjo nuk ishte një mundësi për shkak se fakti është “se po i kërkojnë t’i kërkojë që konsumatorët të paguajnë më shumë sesa duhet.”
Gjykatësja, megjithatë, vlerësoi se masa e fundit e Apple për të bllokuar jo vetëm Fortnite nga App Store, por edhe çdo llogari të zhvilluesit të lidhur me Unreal Engine ishte “hakmarrëse” nga natyra, dhe konfirmoi se ajo ishte “e prirur të jepte lehtësim” për engine-in e lojës.
Rogers vuri në dukje se ndërsa llogaritë e zhvilluesit të Fortnite janë trajtuar nga Epic Games Inc, të gjitha llogaritë e zhvilluesve të Unreal Engine kontrollohen teknikisht nga filialet e kompanisë Epic Games International, duke i ndarë kështu këto të dyja.
“Këtu më duket se Apple ka tejkaluar shumë,” tha ajo. “Kontrata me Epic International nuk është shkelur… mua më duket, si hakmarrëse. Unë jam e prirur të jap lehtësim për këtë ban në lidhje me Unreal Engine.”
Ndërsa fansat e Fortnite që luajnë battle royale në pajisjet e iOS mund të humbasin nisjen e ardhshme të Season 4, update-i i madh pritet të vijë shumë shpejt për të gjitha platformat e tjera të lojërave.
Fortnite Season 4, i cili fillon të enjten, më 27 gusht, do të mbizotërohet nga një tematikë crossover me Marvel. Një pjesë e vogël e teasers për skin-et e reja të superheronjve janë gjetur tashmë në kodin e lojës, duke konfirmuar thashethemet.
Epic gjithashtu hodhi literalisht teaser-in e dytë në Fortnite, ku çekiçi legjendar i Thor, Mjölnir ra në ishull, duke lënë një krater masiv në mes të arenës Battle Royale gjithnjë në ndryshim.