Season X më në fund është këtu!
Season X më në fund është këtu!
Kemi arritur tashmë në fund të Season 9 dhe në fillim të Season X të shumëpritur në Fortnite Battle Royale. Më herët sot, Epic Games lançoi patch-in 10.0 në Fortnite, që zyrtarizoi nisjen e sezonit. Patch-i solli inovacione të shumta, por gjithashtu rregulloi dhe disa bugs, kryesisht në Battle Royale.
Fillimisht, harta e Battle Royale pësoi disa ndryshime. Nuk duket sikur ka ndryshime të mëdha si bioma të reja, por ndryshimi më i madh është padyshim rikthimi i Dusty Depot, së bashku me meteorin në qiell, pak momente para goditjes. Ka gjithashtu dhe ndryshime të tjera, si heqja e Slipstreams dhe platformave fluturuese. Për sa i përket update-ve të ardhshme, Epic tha se dhe vendndodhje të tjera të mëparshme do të rikthehen me kalimin e kohës, por nuk do të jenë njësoj si më parë.
Ndryshimi tjetër më i madh është ardhja e B.R.U.T.E në lojë. B.R.U.T.E-t janë robotë gjigandë që operohen nga dy lojtarë, ku njeri kontrollon lëvizjet dhe tjetri hap zjarr ndaj kundërshtarëve. Këta robotë kanë një Super Jump dhe janë të armatosur me një shotgun dhe raketëhedhës. Megjithatë, në qoftë se ndiheni të guximshëm, mund të provoni ta kontrolloni B.R.U.T.E vetë, duke alternuar midis kontrollit të lëvizjes dhe sulmit.
Epic gjithashtu foli dhe për Rift Zones, të cilat u shkaktuan nga shpërthimi i madh i sferës në Loot Lake. Nëpërmjet tyre, vende nga e kaluara e Fortnite do të rikthehen në lojë, por padyshim që secili prej tyre do të ketë ndryshime. Më shumë detaje pritet të vijnë në update-t e ardhshme.
Padyshim që si në çdo sezon të ri, Epic Games ka vendosur të fusë disa prej armëve dhe automjeteve të Fortnite në Vault. Quad Crasher dhe Baller janë hequr nga loja, pasi Epic thotë se ky sezon do të shijohet më mirë me më pak lëvizje. Për sa i përket armëve, Semi-Auto Sniper dhe Tactical Assault Rifle janë hequr nga loja, së bashku me Airstrike, Flint Knock Pistol dhe Shadow Bomb.
Për sa i përket Save the World, është prezantuar një seri e re misionesh, ku ju do të ndihmoni Quinn për të transmetuar Song of the Summer. Gjithashtu, lojtarët e Save the World tashmë do të kenë akses në Locker, ku mund të gjejnë Emotes, Music Packs dhe Loading Screen të tyre.
Ndërkohë, në Creative, Epic Games ka sjellë disa mënyra për të kontrolluar Storm me Advanced Storm Remote Control dhe Advanced Storm Beacon, të cilat mund të përdoren për të rikrijuar Storm-in e Battle Royale ose për të krijuar Storm-in tuaj. Gjithashtu, tani keni mundësi të caktoni dhe Weapon-free Zone ku lojtarët nuk mund të përdorin asnjë armë ose të dëmtojnë miqtë, si dhe ka sjellë disa LTM të ndryshme si Junkyard Juke dhe Sky Station Showdown.
Më pas, ka dhe rregullime bugs të shumta si dhe rregullime të performancës së lojës, sidomos në Battle Royale. Gjithashtu, kemi dhe Battle Pass-in e ri të Season X, me skin-in legjendar Ultima Knight.