Esports

Gjithçka ndodhi në Blink For PUBG Presented by GameOn Tournament

Eksperiencat dhe momentet më të bukura.

Ky mund të jetë lajm i ri për disa prej jush dhe lajm shekulllor për ca të tjerë, por para jo më larg se një javë nisi tournamenti Blink For PUBG Presented by GameOn. Tournamenti ishte për PUBG PC. I gjithë eventi u mbajt në sallat e Blink Prime Tiranë në bashkëpunim me stafin e GameOn. Ishim të lumtur të shihnim më shumë se 100 ekipe të regjistruara.

Të shtunën që lamë pas, pas disa peripecish, tournamenti u mbyll dhe ekipi Gaming Empire nga Kosova ia doli të pozicionohej si më i miri. Ishte një eksperiecë realisht shumë fantastike për të gjithë ne dhe që t’ju bëjmë dhe ju ta kuptoni, do ta përmbledhim të gjithën atë në një artikull.

Mënyra e strukturimit ishte kjo. Tre grupe, njëzet ekipe, tre lojtarë për ekip. Rrjedhimisht çdo grup dhe ekipet e tij do të luanin hartat e Erangel, Miramar dhe Sanhok. Gjashtë vendet e para nga çdo grup do të përzgjidheshin për të kaluar në finale. Në finale do të merrnin pjesë 20 ekipe.

Tournameti filloi të shtunën e datës 25 maj. Çdo gjë ishte live, në kanalin tonë të youtube, twitch, facebook dhe në twitch-in e Blink. Kishte pafund mënyra për ta ndjekur me pak fjalë. Lojtarët u shfaqën në orarin e kërkuar..khëm.. shumica dhe kështu si pa kuptuar Grupi A kishte mbyllur punë. Në këtë pikë livestream-i po vazhdonte, një pjesë e juaja po na ndiqte dhe sinqerisht menduam se gjërat nuk mund të shkonin më vaj se kaq. Doli më vonë që e kishim gabim.

Nuk duam të fokusohemi shumë në këtë pjesë, pasi realisht është e panevojshme, por duhet thënë që patëm disa probleme teknike, më saktë sulme DDOS në linjat e internetit përgjatë finales së parë, ndaj pas shumë përpjekiesh të palodhura nga stafi i Blink, kuptuam që gjëja më e mirë ishte që finalja të lihej për javën tjetër, pasi këto probleme të ishin zgjidhur.

Javën tjetër të gjithë finalistët ishin prezent dhe më gati se kurrë për të luajtur. Duhet ta pranojmë që pjesa më e bukur e gjithë kësaj ishin lojtarët dhe organizimi e  mirëkuptimi që ata treguan në çdo moment të tournament-it. Nuk kishte hatërmbetje ose keqkuptime në asnjë lloj momenti dhe kjo ishte diçka që vërtet meriton të vlerësohet.

Një tjetër sektor të këtij artikulli, duam t’ia dedikojmë stafit të Blink Prime. Pafund falenderime shkojnë për ata që ishin të gatshëm të bënin çdo gjë që duhej në mënyrën më profesionale të mundshme për ta çuar këtë deri në fund, duke dhënë një frymë bashkëpunimi gjithë kohës së zhvillimit të këtij tournamenti. Gjithashtu falenderime i shkojnë të gjithëve që na bënë share dhe na ndoqën.

Tani që folëm pak për vlerat morale që nxorrëm nga ky turnament, le të sqarojmë pak se çfarë rëndësie mbart ky për të gjithë komunitetin e gaming në Shqipëri.

Duhet thënë se ky tournament ishte i pari në vendin tonë i kësaj shkalle. Fillimisht, falenderojmë përzemërsisht të gjithë pjesëmarrësit nga të katër anët e vendit tonë dhe më gjërë. Patëm lojtarë të shumtë nga Tirana, por gjithashtu pati dhe lojtarë të cilët morrën pjesë nga qytete të tjera të vendit tonë. Megjithatë, u suprizuam vërtetë shumë me pjesëmarrjen nga Kosova. Jo vetëm që ishte e lartë, por ata u paraqitën në këtë tournament me ekipe mjaft të zota, duke rrëmbyer gjithashtu 2 vende në Top 6 e këtij tournamenti.

Organizimi i këtij tournamenti ishte vërtet për tu mbajtur mend. Tournamenti u bë stream në Facebook, YouTube, si dhe në kanalin tonë dhe të Blink Prime në Twitch. E gjitha u organizua në formën e një show, ku nuk pati vetëm kompeticion, por nëpërmjet intervistave të shkurtra na u dha mundësia të njiheshim më mirë me lojtarët. Gjithashtu, ndeshjet ishin të komentuara nga dy super komentatorë që i përshëndesim nëse janë duke e lexuar këtë tani.

Në fund gjashtë ekipet fituese patën ceremoninë e tyre dhe u bë dhe ndarja e shumëpritur e çmimeve. Gaming Empire, ekipi nga Kosova ishin fituesit, që pasoheshin më tej nga Dajat dhe Nubat. Renditjen e plotë të finalistëve mund ta shikoni në foton e mëposhtme. Nuk do të futemi shumë në detaje mbi sistemin e pikëve dhe përzgjedhien e finalistëve, por mund ta gjeni të gjithë transmetimin e finales në kanalin tonë të YouTube.

Mund të themi me plot gojën që të gjithë u kënaqëm dhe mësuam shumë gjëra nga kjo eksperiencë. Falenderojmë edhe një herë të gjithë ata që morën pjesë dhe dhanë kontribut në këtë turnament. Ishte hera e parë për ne që përballeshim me diçka të kësaj përmase dhe surpriza të tjera do të vijnë edhe në të ardhmen.

Në fund të ditës jemi të lumtur që po marrim një iniciativë në komunitetin e gaming dhe esports këtu në Shqipëri. Është e qartë që interesi dhe potenciali në audiencën shqiptare nuk mungon, ndaj mezi po presim që tju sjellim diçka gjithmonë e më të mirë, pas çdo hapi dhe mësimi që marrim. Deri atëherë GAME ON!!!