Këtu keni çdo gjë që dimë rreth lojës së ardhshme turn-based RPG rreth League of Legends
Këtu keni çdo gjë që dimë rreth lojës së ardhshme turn-based RPG rreth League of Legends
Fansat e League of Legends u entuziazmuan kur zbuluan se një prej shumë lojërave rreth Runeterra, botës së League of Legends, do të lançohej vitin tjetër. Ruined King: A League of Legends Story do i çojë lojtarët në një udhëtim mes Bilgewater dhe Shadow Isles me turn-based combat.
Departamenti i ri i publikimit i Riot Games, Riot Forge, ende nuk ka dhënë shumë detaje për lojën. Megjithatë, aq pak sa dihet mjafton për t’i tërhequr fansat.
Ruined King është një lojë singe-player. Si lojtar, ju do të eksploroni Bilgewater dhe Shadow Isles, dy vende që gjenden thellë në detin e rrezikshëm. Bilgewater është një vend me piratë dhe Shadow Isles janë ishuj të mbuluar nga Black Mist.
Loja do të jetë e bazuar tek turn-based combat, që do të thotë se lojtarët duhet të krijojnë ekipet e tyre në mënyrë strategjike dhe të përdorin aftësitë për të mundur kundërshtarët. Do të haseni shpesh me piratë nga Bilgewater dhe përbindësha nga Shadow Isles të cilët kanë si qëllim të shkatërrojnë çdo gjë që iu del përpara.
Historia e lojës zhvillohet pas eventit Burning Tides në League of Legends, ku Gangplank, mbreti i piratëve, thuhej se vdiq pasi u sulmua nga Miss Fortune. Mbretërimi i Gangplank ishte mizor dhe Miss Fortune e vrau atë për t’u hakmarrë për vdekjen e prindërve të saj, ose të paktën kështu u mendua fillimisht. Gangplank mbijetoi dhe tani do të ndëshkojë këdo që nuk e mbështeti atë.
Bazuar në titullin e lojës, Ruined King mund të jetë Gangplank dhe historia mund të ndjekë rikthimin e tij. Përveç Gangplank, kampionë të tjerë që lojtarët mund të marrin në ekipin e tyre pritet të jenë Thresh, Graves, Miss Fortune, Illaoi, Kalista, Elise e shumë të tjerë.
Loja po zhvillohet nga Airship Syndicate dhe do të publikohet nga Riot Forge. Airship Syndicate është një zhvillues indie nga Teksasi i cili fokusohet në zhvillimin e lojërave RPG. Ruined King nuk është loja e parë turn-based RPG për ta, pasi ata kanë lançuar gjithashtu Battle Chasers: Nightwar në 2017.
Airship Syndicate gjithashtu ka lançuar Darksiders Genesis, një RPG hack-and-slash. Të dyja këto lojëra janë të vlerësuara mirë në Steam, prandaj lojtarët dhe fansat e League of Legends presin shumë nga kjo lojë.
Riot nuk e ka zbuluar specifikisht se në cilat platforma do të vijë Ruined King, përveç faktit që loja u zbulua në konsola dhe PC.
Me PlayStation 5 dhe Xbox Series X që do të vijnë në fund të 2020, me shumë mundësi Ruined King do të vijë dhe për këto konsola. Por, nëse loja del më herët, ajo gjithashtu pritet të luhet edhe në PS4, Xbox One dhe Nintendo Switch.
Ende nuk dihet data zyrtare e lançimit të Ruined King. Ajo u zbulua gjatë The Game Awards 2019, prandaj me shumë mundësi do të vijë vitin e ardhshëm.