Pas lançimit të beta-s, kemi mundësi të flasim më shumë për Football Manager 2020
Pas lançimit të beta-s, kemi mundësi të flasim më shumë për Football Manager 2020
Tashmë që beta e Football Manager 2020 është lançuar, komuniteti i Football Manager sa vjen e po bëhet më entuziast. Simulatori i Sports Interactive mbahet si një prej lojërave që ofron eksperiencën më ngjashme me atë të futbollit në jetën e vërtetë dhe më poshtë mund të gjeni gjithçka që ne dimë për lojën.
Football Manager 2020 do të vijë në 19 nëntor 2019. Loja do të lançohet në Steam në PC, por gjithashtu dhe në mobile me dy versione: FM20 Touch dhe FM20 Mobile. Ende nuk janë zbuluar datat e lançimit për Google Stadia dhe Nintendo Switch.
Nëse nuk mund të prisni për të luajtur lojën, atëherë ju mund ta bleni atë në Steam dhe të luani menjëherë beta-n e saj. Loja kushton 49,49€ në Steam.
Football Manager 2020 vjen me shumë veçori të reja, duke filluar nga kontratat. Tashmë, ju keni opsione të reja për Playing Time, duke i dhënë lojtarëve role si Cup Goalkeeper ose Fringe Player, duke ulur pritshmëritë e tyre për kohën e lojës. Gjithashtu, huazimet mund të caktohen në varësi të muajve ose deri në merkaton e ardhshme.
Backroom staff gjithashtu do të ndryshojë, duke dhënë këshilla më të mira përpara ndeshjes si dhe skuadrën ideale për atë ndeshje, së bashku me analiza më të mira taktike. Stafi gjithashtu do të sugjerojë përgjigjet që duhet të jepni në mbledhjet e ekipit.
Pozicione të reja për stafin si Technical Director dhe Head of Player Development janë shtuar. Ndërkohë, nëse ju kërkoni dërheqjen, klubi mund të kërkojë që ju të qëndroni duke ofruar një kontratë më të mirë. Gjithashtu, tani mund të protestoni për transferimet që klubi i pranon.
Një veçori tjetër e re është Code of Conduct, e cila vendos rregulla dhe penalizime për sjellje të këqe. Kjo ju jep mundësinë të vendosni autoritetin tuaj, por nëse nuk e zbatoni do të ketë pasoja të rënda.
Për sa i përket grafikave, Sports Interactive është përpjekur të përmirësojë modelet e lojtarëve dhe të menaxherëve, duke i bërë ato më realistike dhe më të detajuara. Gjithashtu, janë përmirësuar fushat e lojës, të cilat ndryshojnë sipas motit dhe janë të ndriçuara më mirë.
Taktikat gjithashtu janë përmirësuar dhe stafi juaj ju jep mendime se si këto taktika do të performojnë në lojë, duke ju treguar se çfarë po ndryshoni nga taktikat standarte si Gegenpress dhe Tiki-Taka.