Gjithçka dimë mbi Sezonin e 3 të Apex Legends

Data e lançimit, legjenda të reja, battle pass, mode i ri e më shumë.

Me sezonin e dytë të Apex Legends kaq afër fundit, kurioziteti rreth Sezonit të 4 sa vjen dhe shtohet dhe sipas Respawn do të jetë më i madhi nga të gjithë deri tani. Gjëra të reja pritet të vijnë në lojë, ndryshime do të bëhen në hartë, mund të shtohet “Crypto“, legjenda e re, dhe shumë të tjera, ndër to edhe një PVE mode.

Sezoni i 2 i Apex Legends që u lançua në 2 korrik përmirësoi shumë nga Sezoni i 1, që mund të themi se ishte deri diku jo në potencialin e tij të plotë. Në Sezonin e 2 erdhi një battle pass më i mirë, ranked mode dhe legjenda e re Wattson.

Kur fillon Sezoni i 3 i Apex Legends?

Mund të presim që Sezoni i tretë i Apex Legends të fillojë në 1 tetor. Për këtë vit i bie ditë e enjte, por ekziston edhe që alternativë tjetër që sugjeron se mund të fillojë të enjten e 3 tetorit.

Në planin fillestar të Apex Legends, Sezoni i 3 supozohej të niste në shtator, por Sezoni i parë filloi një muaj më vonë se ç’ishte planifikuar. E njejta gjë ndodhi edhe me Sezonin e 2, ndaj sigurisht që do të ndodhi edhe me Sezonin e 3.

A do të jetë Crypto pjesë e Season 3?

Çdo sezon i Apex Legends ka shtuar nga një legjendë të re dhe nuk ka snjë arsye që Sezoni i 3 të mos e bëjë këtë. Përpara se Sezoni i 2 të fillonte, ishte sugjeruar që Wattson ose Crypto do të shtoheshin në të, por si përfundim u përballëm vetëm me Wattson.

Tani që do të fillojë Sezoni i 3, mund të jemi të sigurtë që Crypto do të vijë në të, sepse nuk ka ku të shkojë më muhabeti dmth. Kur merr parasysh edhe leaks-at që dolën nga GameStop, që jepnin çdo informacion mbi legjendën e re, sigurohesh edhe më shumë për këtë fakt.

Vetë Respawn ka hedhur shenja drejt këtij personazhi. Fillimisht në trailerin e Season 2 dhe më pas në Kings Canyon. Mendohet se Crypto ishte përgjegjës për atë hack-un që ju bë hartës.

Rosie dhe Nomad?

Dy legjendat e tjera që përfliten onnline janë Rosie dhe Nomad, por probabiliteti që këto të vijnë në Sezonin e 3 është shumë i ulët. Këto të fundit janë njoftuar edhe nga Tina Sanchez, një nga producentet e Apex Legends, duke sugjeruar se zhvillimi i tyre ka ende shumë punë përpara.

A do të ketë një battle pass Sezoni i 3 i Apex Legends?

Është thuajse e sigurtë që do të ketë një battle pass të ri për Sezonin e tretë, duke shtuar plot paisje dhe cosmetics për inventarin tuaj. Sipas leaks mendohet që battle pass-i i sezonit të ri të quhet ‘Fire and Ice’.

Përsa i përket kostos, të dyja battle pass-et e sezoneve të para kanë kushtuar 950 Apex Coins, pra rreth $10.

PVE Mode?

Në Sezonin e 3 mund të hasemi me një mode Player VS Environment. Fluturakët e lojës, që duket se janë agresivë dhe të kontrolluar me Al, mund të funksionojnë në këtë rast në mënyrë të ngjashme me zombit në Call of Duty.

Gjithsesi përsa i përket këtij sektori duhet ende të presim për konfirmime të mëtejshme. Me Sezonin e 3 që është më pak se një muaj larg, gjëra më konkrete rreth të ardhmes së lojës pritet të vijnë dita ditës.