Askush nuk është i kënaqur për këtë lajm…
Askush nuk është i kënaqur për këtë lajm…
Ajo çfarë kurrë nuk do e prisnim ishte që pasardhësi i Ben Affleck në rolin e Dark Knight të ishte Robert Pattinson. Epo ja që ky është lajmi që e ka bërë një xhiro nga të gjithë sot.
Sipas një raportimi, protagonisti i filamve të Twilight është në negociata gati të përfunduara për të marrë përsipër rolin. Theksohet se marrëveshja ende nuk është e konfirmuar, por gjithashtu është zgjedhja e parë e Warner Bros.
Shumë veta nuk e kanë marrë fort mirë këtë lajm. Kjo ndoshta pasi emri i aktorit është shoqëruar me konotacione negative kohët e fundit. Le të mos flasim pastaj për aktrimin e tij në filmat e Twilight. Ndoshta kjo është edhe arsyeja kryesore se pse fansat e DC nuk janë të bindur për këtë përzgjedhje.
Nëse marrëveshja zyrtarizohet 33 vjeçari Pattinson, do të jetë Bruce Wayne në filmin Batman të Matt Reeves. Duhet ta pranoj që mua personalisht nga ana fizike nuk më duket zgjedhje e keqe, por nga pjesa e aktrimit kam dyshimet e mia.
Nëse do të kemi ndonjë konfirmim të rolit të Batman në supet e Pattinson do sigurohemi që t’iu njoftojmë.