Sot shënon data 20 prill dhe për ata që e dinë është një nga ditët më të mira të vitit. Për ata që do e kuptojnë gjatë leximit se për çfarë po flasim, na falni që iu futëm në rrugë të keqe.
Nuk e dimë se si i keni planet për sot, por nëse po kërkoni të qëndroni në rehatinë e shtëpisë suaj, të rrethuar nga retë e tymit, nuk mund të mungojnë aty as videolojërat. Kur jemi drru (ose le të themi high më mirë që artikulli të mos ngjajë shumë brutal), çdo gjë thjesht amplifikohet në mënyra të çuditshme. Ndaj për t’iu ndimuar të zgjidhni videlojën e duhur, kemi pregatitur një listë me lojërat më të mira që mund ti përshtaten këtij rasti.
Do të këshillonim që të qëndronit më shumë në eksperiencat single player dhe jo multiplayer, pasi nuk do donim që të zhgënjenit shokët e tjerë në lojë e sipër. Oh dhe nëse keni zemër të dobët padyshim që duhet të qëndroni larg nga horroret.
5. Minecraft
Kjo nuk është ndonjë gjë e vështirë për tu menduar në fakt. Mund literalisht të rrija gjithë ditën ulur duke ndërtuar struktura me blloqet e Minecraft. Sikur në fund të mos kesh bërë asgjë thjesht ideja që je i hapur të krijosh çfarë të duash do mjaftojë që të të bëjë të ndjehesh si një Pikaso teksa je high. Do të ishte mirë ta luanit në Peaceful Mode gjithsesi.
4. Super Mario
Këtu e kemi fjalën për atë të vjetrin që të gjithë jemi rritur duke e luajtur. Është një lojë e thjeshtë, ka ngjyra të bukura, sjell plot kujtime dhe sinqerisht është edhe një zgjidhje super e thjeshtë. Nuk e di a ekziston më Frivi po jam e sigurtë që do e gjeni shumë kollaj online në PC tuaj.
3. Marvels Spider Man
Në fakt çdo lojë e Spider Man literalisht do bënte punë. Të lëkundesh lart e poshtë në qytet do të duket si gjëja më fantastike. Edhe nëse nuk bën asnjë mision të lojës, grafikat e shkëlqyera dhe të qenurit në vendin e Spider-Man do e bëjë të gjithë punën për ju.
2. Hotline Miami 2
Kjo e rradhës është realisht perla e perlave për të luajtur kur je high. Mund të garantojmë se do iu çojë në një botë komplet më vete me gameplay-in e saj. Ngjyrat janë super, logjika e lojës është e thjeshtë dhe muzika pastaj është një nivel tjetër i trippy. Sikur sa për të dëgjuar soundtrak-un ta hapni si lojë do ia vlejë.
1. GTA
GTA është e para që duhet tiu shkojë mendja në këtë ditë. Cilado nga lojërat do e bëjë punën në fakt. E bukura është që këtu mund të bësh çfarë të duash ti. Kap dhe vidh një makinë, përplase, vrit ndonjë rob rrugës. Do të jetë si një aventurë e çmendur e bërë realitet.
Kjo është pak a shumë përzgjedhia jonë për 4/20. Sigurisht që në fund të gjithë do të kemi preferencat tona, por shpresojmë që këto t’iu kenë ndihmuar ta ndani sadopak mendjen. Oh dhe mos harroni të kënaqeni pafund sot.