Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
“Kam diskutuar me një lojë në Japoni”
George R.R. Martin është shkrimtari i romanit të njohur “A song of Ice and Fire” që ka sjellë dhe adaptimin e tij në Game of Thrones. Ky i fundit si duket është duke punuar me një videolojë japoneze, me shumë gjasa të From Software.
George R.R. Martin është një emër shumë i dëgjuar për të gjithë fansat e Game of Thrones. Mbi të gjitha tani që për pjesën dërrmuese të tyre, mbyllja ishte tepër zhgënjyese.
Në një postim në blogun e tij të quajtur ‘An Ending’, ai shprehu emocionet dhe mirënjohjet e tij me rastin e mbylljes së Game of Thrones. Autori gjithashtu parashtroi planet e së ardhmes si romani i tij i ardhshëm i titulluar “The Winds of Winter”. Gjithsesi pjesa më shokuese ishte kur ai shkruajti: “Kam diskutuar me një lojë në Japoni”.
Thashethemet kanë kohë që qarkullojnë se George R.R. Martin ka qenë duke punuar me From Software, studioja pas lojërave si Dark Souls, Bloodborne dhe lojën më të fundit: Sekiro: Shadows Die Twice.
Mendohet se loja në fjalë ka qenë nën zhvillim për tre vite dhe është një lojë fantazi open-world. Gjithashtu thuhet se më shumë informacion rreth saj do të jepet në konferencën e Microsoft për E3 2019.
Meqë From Software nuk ka njoftuar ende zyrtarisht asgjë rreth ndonjë loje ose bashkëpunimi me George R.R Martin është më mirë të mos e marrim shumë për të mirëqenë këtë burim. Duket se prapë do na duhet të presim për E3.
