Geoff Keighley do të ndihmojë Kanye West të takojë Hideo Kojima

Hideo Kojima ndodhet në New York. Kanye West gjithashtu ndodhet në New York. Kanye ka dëshirë të takojë Hideo-n. Prezantuesi i Game Awards, Geoff Keighley thotë se do ta bëjë këtë të mundur. WOW!

“Dëgjova se Hideo Kojima ndodhet në New York. Duhet të takohemi. A di ndonjëri ndonjë mënyre se si mund ta kontaktoj?” Shkruan Kanye West në Twitter. Geoff Keighley nga ana tjetër i përgjigjet duke i thënë se mund ta mundësojë këtë takim.

Duhet ta pranojmë që ky takim do të jetë nga më të çuditshmit. Kur marrim parasysh edhe faktin se Kojima nuk bashkëpunon më me Konami dhe ka kohë madje që viziton studio të ndryshme lojërash, nuk mund të mos ndalojmë një moment për të menduar se cili do të jetë rezultati në këtë bisedim të mundshëm.