Genshin Impact zbulon disa “statistika” rreth lojtarëve të saj

Zhvilluesi i lojës Genshin Impact zbulon disa statistika interesante rreth lojtarëve të saj

Gjatë muajve të fundit popullariteti i Genshin Impact është rritur goxha duke patur lojtarë nga e gjithë bota dhe duke patur fitime tepër të mëdha nga sistemi i saj gacha. Së fundmi zhvilluesi i lojës, miHoYo, ka zbuluar disa statistika të cilat janë pak ndryshe nga statistikat e tjera.

Genshin Impact ka sjellë nëpërmjet një postimi në Twitter edicionin e dytë të “Teyvat Times” ku ka shfaqur disa statistika interesante dhe të çuditshme në të njëjtën kohë rreth lojtarëve të saj. Gjatë edicionit të parë, loja tregoi disa statistika rreth ushqimin që dështonte më shumë që të përgatitej ose se sa lojtarë zgjodhën që t’i referoheshin Paimon si “emergency food”.

Në ketë edicion të dytë, Genshin Impact ka treguar se një lojtar ka vdekur 1907 herë për shkak të hedhjes nga një lartësi e madhe me një mesatare prej 28 vdekjesh në ditë. Gjithashtu u zbulua se lojtari i cili kishte numrin më të madh të mbytjeve ishte nga serverat amerikanë të lojës.

Lojtarët kanë përdorur karaktere të ndryshme kur bëhet fjala për Weekly Bosses. Kur bëhet fjala për Stormterror lojtarët kanë përdorur më së shumti Barbara, Amber dhe Kaeya dhe për Wolf of the North Barbara, Fischl dhe Noelle.

Kurse për t’u ndeshur me Tartaglia në Golden House është përdorur më së shumti Barbara, Fischl dhe Diluc. Nga këto statistika zbulojmë se Barbara është një ndër personazhet më të preferuar të lojtarëve kur bëhet fjala për Weekly Bosses.

Gjithashtu shumë lojtarë kanë vdekur për shkak të Mist dhe Flaming Flowers ose boars. Nuk dihet akoma se kur do të vijë postimi i edicionit të radhës por dimë që lojtarët e Genshin Impact po argëtohen shumë me këto statistika të çuditshme por interesante.