Lojtarët e Genshin Impact në Reddit po raportojnë se mund të ketë një thyerje të madhe privatësie në website-in MiHoYo. Faqja ku lojtarët drejtohen pasi kanë harruar passwordin ofron një opsion për të dërguar një recovery code të lidhur me numrin e telefonit të lojtarëve dhe në disa raste është duke i ekspozuar plotësisht këto numra, në vend që t’i censurojë ato pjesërisht.
Redditor-i TiltOnPlay postoi një screenshot ku ilustrohej ky problem.
Çdo adresë emaili mund të futet në faqen në fjalë dhe automatikisht të ekspozojë numrin e telefonit të dikujt. Përtej faktit që numri i kujtdo mund të ekspozohet për botën, shumë përdorues kanë vënë në dukje se kjo bie në kundërshtim me ligjet e privatësisë.
Disa lojtarë të tjerë të Genshin Impact po thonë se numrat e tyre të telefonit po mbulohen dhe nuk po dalin të plotë. Vendndodhja mund të ketë të bëjë me këtë fakt.
MiHoYo ende pritet të reagojë ndaj këtij problemi dhe të japë një farë sqarimi për lojtarët.