Kartat GeForce RTX 3080 & 3090 janë hapi më i madh në këtë gjeneratë dhe kjo është gjithçka që duhet të dini rreth tyre
Kartat GeForce RTX 3080 & 3090 janë hapi më i madh në këtë gjeneratë dhe kjo është gjithçka që duhet të dini rreth tyre
Kompania MSI sjell në treg serinë e saj jashtëzakonisht të fuqishme të kartave grafike, GAMING dhe Ventus. Kartat grafike GeForce RTX 30 Series ofrojnë performancë të lartë për lojtarët dhe creators. Mundësuar nga arkitektura Ampere, gjenerata e 2-të e arkitekturës NVIDIA RTX, me bërthama të reja RT, Tensor core dhe multiproçesorë transmetues, siguron grafika më reale duke përdorur ray-tracing dhe veçoritë e inteligjencës artificiale.
Gjirafa50 si distributor i MSI në Kosovë, sjell 4 oferta për ju, për 3090 dhe 3080, ku secila prej tyre është një version Gaming dhe Ventus. Çdo kartë premton një rritje masive në performancën e PC-së tuaj dhe sjell përmirësime në veçori deçisive siç është ray-tracing.
Ju tashmë mund të porosisni paraprakisht kartat të cilat pritet të mbërrijnë tek ju në datë 15 Tetor. Mos harroni të përdorni kodin GAMEON për të përfituar 5% ulje në çdo produkt që blini në Gjirafa50!
Tani, pa u zgjatur shumë, le të shohim disa nga karakteristikat specifike për çdo kartë.
Karta e fundit e serisë së MSI GAMING përsëri sjell performancë të lartë, zhurmë të ulët dhe një pamje që lojtarët e njohin dhe i besojnë.
Ky variant ofron 24 GB memorie GDDR6X me një shpejtësi prej 19.5 Gb/s. Në të njëjtën kohë RTX 3090 ka dhe një sistem ftohjeje TRI FROZR 2, i cili është krijuar për efikasitet. Prisni ekuilibrin perfekt të freskisë dhe heshtjes për më shumë argëtim gjatë lojërave të pafundme. Ventilatorët TORX FAN 4.0 janë ndërtuar për të bashkëpunuar, me çifte tehesh të lidhura së bashku me një unazë të jashtme, e cila përqendrohet në rrjedhën e ajrit, po ashtu ftohësja pasive është përmirësuar për të siguruar më shumë hapësirë dhe ajër të drejtpërdrejtë atje ku është më e nevojshme.
Softueri ekskluziv i MSI Dragon Center do t’ju ndihmojë të përfitoni sa më shumë nga produktet tuaja MSI. Monitoroni, modifikoni dhe optimizoni në kohë reale me disa klikime.
Nëse flasim po ashtu për GeForce RTX 3090 Ventus, Ventus njihet për dizajn të orientuar drejt performancës që përdor elementët e nevojshëm për të përmbushur çdo detyrë. Rregullimi efikas, i trefishtë i ventilatorit, i vendosur në një dizajn të fortë industrial, do të lejojë që kjo kartë të përshtatet në çdo set.
Ventilatorët TORX FAN 3.0 janë të pajisur në mënyrë alternative me tehe tradicionale dhe shpërndarëse. Ata sigurojnë 50% më shumë rrjedhje të ajrit sesa një ventilator konvencional. Teknologjia ZERO FROZR siguron që ventilatorët të fiken kur temperatura bie nën një nivel të caktuar. Mund të trajtojë punën normale dhe ngarkesën e punës multimediale në heshtje të plotë.
Nga ana tjetër, RTX 3080 Gaming siguron 10 GB memorie GDDR6X me një shpejtësi prej 19 Gb/s. Sistemi i ftohjes TRI FROZR 2 është mëse efikas duke siguruar një ekuilibër perfekt të freskisë dhe heshtjes për më shumë argëtim gjatë lojërave tuaja.
Ventilatorët TORX FAN 4.0 janë ndërtuar për të bashkëpunuar, me çifte tehesh të lidhura së bashku me një unazë të jashtme, e cila përqendrohet në rrjedhën e ajrit. Ftohësja pasive është përmirësuar për të siguruar më shumë hapësirë dhe ajër të drejtpërdrejtë atje ku është më e nevojshme. Brinjët Wave-curved 2.0 nuk lejojnë tingujt e padëshiruar të gjeneruar nga rrjedha e ajrit, duke zvogëluar zhurmën.
Po ashtu, cilësia e fortë e montimit në vendet kyçe rritet nga një shirit i fortë, metalik që parandalon përkuljen. Karta gjithashtu përfshin kllapa mbështetëse që mund ta instaloni në kompjuterin tuaj për një siguri të shtuar.
Së fundmi siç e përmendëm dhe për modelin 3090, Ventus sjell një dizajn të orientuar drejt performancës që përdor elementët e nevojshëm për të përmbushur çdo detyrë. Rregullimi efikas, i trefishtë i ventilatorit, i vendosur në një dizajn të fortë industrial, do të lejojë që kjo kartë të përshtatet në çdo set.
Ky variant siguron 10 GB memorie GDDR6X me një shpejtësi prej 19 Gb/s. Ventilatorët TORX FAN 3.0 janë të pajisur në mënyrë alternative me tehe tradicionale dhe shpërndarëse. Ata sigurojnë 50% më shumë rrjedhje të ajrit sesa një ventilator konvencional. Teknologjia ZERO FROZR siguron që ventilatorët të fiken kur temperatura bie nën një nivel të caktuar. Mund të trajtojë punën normale dhe ngarkesën e punës multimediale në heshtje të plotë.
NVIDIA DLSS 2.0 është një përparim i pasqyrimit të inteligjencës artificiale që rrit frame rate me 1.5x (ose më shumë) me cilësi imazhi pa kompromis; të gjitha me bërthama të dedikuara të inteligjencës artificiale Tensor në GeForce RTX.
Kjo ju jep një rezervë të performancës për rezolucion edhe më të lartë të lojës, duke ju dhënë një përvojë vizuale të pabesueshme. Një revolucion në formën e inteligjencës artificiale ka hyrë në lojëra.
E për të gjithë ju që po pyesni veten se cilat nga lojërat tuaja të preferuara do të mund të përfitojnë nga të gjitha benefitet që sjellin kartat grafike RTX që kanë ray tracing, në imazhin e mëposhtëm mund të shihni jo vetëm të gjitha lojëra por edhe engines dhe API-t që do të përfshihen.
Çoni në nivelin tjetër projektet tuaja krijuese me kartat grafike GeForce RTX 30 Series. Ato sjellin përshpejtim përmes inteligjencës artificiale në aplikacionet më të mira krijuese. Ato mbështeten në platformën NVIDIA Studio, e cila përfshin drejtues të dedikuar dhe mjete ekskluzive. Dhe ato janë krijuar për të shpërndarë fuqinë në një kohë rekord.
Pavarësisht nëse jeni duke bërë skena komplekse 3D, duke edituar video 8K ose duke transmetuar drejtpërdrejt me kodimin dhe cilësinë më të mirë të imazhit, kartat grafike GeForce RTX ju japin një performancë që nuk do t’ju ndalojë të bëheni krijues.