Microsoft ka filluar të përshtatet mjaft mirë me idenë e multi-platformave përsa i përket sektorit të tij të gaming. Të gjitha lojërat e kompanisë tashmë kanë ardhur në PC bashkë me versionin për konsola. Gears 5 erdhi edhe në platformën e Valve krahas versionit në Xbox One dhe Windows Store dhe mund të themi që po ja del mirë.
Gears 5 kapi 10,196 lojtarë në Steam në 11 shtator. Kjo nuk është një shifër katastrofike, por njëkohësisht nuk është aq mirë sa ç’prisnim. Loja është mbrapa lançimeve të ngjashme të mëdha në Steam të këtij viti si Devil May Cry V ose Sekiro: Shadows Die Twice.
Sado që këto shifra krijojnë një ide të gabuar të Gears 5 në Steam , kjo nuk është historia e plotë. Gears 5 vjen me shumë promocione në Xbox Game Pass. Loja ka ecur aq mirë në Xbox sa ka hedhur nga froni dhe Fortnite që përpara lançimit ka qenë loja më e luajtur e konsolës. Nëse ka mundur Fortnite, do të thonim se është në rrugë të mbarë.
Mos ndoshta njerëzit thjesht nuk duan ta luajnë Gears 5 në Steam? Mos lojtarët kanë rënë rehat me idenë e një subscription-i për lojëra apo thjesht Game Pass-i i fundit ishte shumë i mirë për tu refuzuar.