Me më pak se 10 ditë të mbetura përpara se lojtarët e Gears of War të mund të hidhen në lojë, detajet mbi Gears 5 vazhdojnë të zbulohen dita ditës. Deri në këtë pikë e dimë se do të jetë loja më e madhe e serive, dimë se campaign-in e ka të bazuar nga lojërat open world etj, etj, por ka ende shumë gjëra që kanë një hije misteri mbi to. Drejtori i lojës, Rod Fergusson, ka diskutuar mbi Gears 5 në një intervistë, në të cilën është shprehur se loja është frymëzuar nga BioShock Infinite.
Për ata që mund të mos e dinë, Fergusson ka punuar me të gjitha lojërat e Gears of War, duke kaluar një pjesë të mirë të karrierës së tij te Epic Games. Gjithsesi ai e la kompaninë në 2012 për tu bërë zv president i zhvillimit në Irrational Games.
“Në lojërat e mëparëshme të Gears, kur futeshe në një dhomë Locust do të shihte menjëherë dhe do fillonte të të qëllonte.” Është shprehur Fergusson. “Në momentin që ti futeshe në një dhomë, ata e dinin që ti ishe aty, por tani, në Gears 5 kemi më shumë idenë e një combat-i të nisur nga vetë lojtari.”
Si duket ishte koha që ai kaloi në Irrational Games ajo që e ndihmoi të sillte një frymë ndryshimi në seritë e Gears. “Isha fans i BioShock Infinite dhe pata fatin të punoj me Ken dhe skuadrën e tij. Mësova shumë nga ajo eksperiencë.” Më tej ai vazhdoi të shprehej se si ideja e combat-it të nisur nga lojtari ishte ideja e Ken Levine, që më vonë u inkorporua në Gears 5.
Gears 5 do të vijë në 10 shtator për PC, PS4 dhe Xbox One. Gjithsesi anëtarët e Xbox Game Pass do të kenë mundësi ta luajnë lojën disa ditë më herët.