Garena përdor kumarin për tu dhënë lojtarëve K/DA Akali Prestige Edition

Garena, distributori i Azisë Juglindore për League of Legends ka prezantuar një event të ri për skin-in K/DA Akali: Prestige Edition. Në vend që të shitet për Riot Points, një lojtar duhet të provojë fatin dhe të zgjedhë mes nëntë opsioneve të ndryshme për ta marrë atë.

Eventi parashtrohet në një mënyrë të tillë: K/DA Akali ka humbur këngën për koncertin e saj dhe i duhet ndihma e lojtarit për ta gjetur. Nga nëntë këngë të përziera, njëra do të ketë soundtrack-un e duhur dhe do të jetë përzgjedhja e këngës së duhur ajo që do i japë lojtarit Prestige skin. Nëse zgjidhet kënga e gabuar, lojtari përfundon me një reward të thjeshti si Hextech ose Masterwork.

Për ta patur skinin e garantuar, do ju duhet të harxhoni 10,000 RP ose rreth $70 për ti hequr qafe tetë opsionet derisa të keni të duhurin.

Kjo lloj mekanike e loot box-it është e hasur edhe më parë në shumë lojëra free-to-play dhe në disa MOBA mobile. Lojëra si  Mobile Legends: Bang Bang dhe Arena of Valor kanë disa evente të tilla që japin shpërblime ditore dhe i bëjnë lojtarët të kërkojnë gjithmonë e më shumë.

Reagimet e komunitetit ndaj këtij eventi mund të themi se kanë qenë të përziera. Krahas faktorit të dukshëm të një tip kumari që është prezent, për disa fansa kjo mekanikë, sado që është e padëshiruar, të jep mundësinë që për të njejtin çmim të marrësh disa skine më lirë se çmimi i tyre origjinal.

Sado i bukur që mund të jetë skini, prapëseprapë nuk ndikon në aftësitë e champ-it në lojë. Nëse thjesht doni të luani pak League of Legends, asgjë nuk do ju pengojë.