Versioni mobile i Mario Kart është zbuluar tashmë
Versioni mobile i Mario Kart është zbuluar tashmë
Mario Kart Tour, spin-off-i për mobile i serisë popullore të Nintendo Mario Kart sapo është futur në beta për disa përdorues. Edhe pse lojtarët nuk supozohen të shpërndajnë video dhe imazhe të lojës në internet, kjo nuk e ka ndaluar internetin për të krijuar përmbledhje me video dhe screenshot-e dhe për t’i prezantuar ato me gjihtë botën. Edhe pse gameplay si video është fshirë nga ResetEra, dikush e ruajti atë në YouTube që gjithkush t’a shohë.
Ideja e përgjithshme është një auto-racer ku përdoruesi bën swipe majtas e djathtas në kthesa për t’u kthyer. Kjo është mënyra më e mirë që Mario Kart të luhet në telefona, për të qënë të sinqertë. Ajo ku loja ka pak probleme janë (siç pritet) loot boxes.
Kini parasysh se bëhet fjalë për beta dhe versioni final mund të ndryshojë. Tani për tani, për të hapur personazhe, karts dhe gliders të rinj duhet të hapni disa gacha (kështu quhen këto loot boxes). Lojtarët kanë një sistem energjie për t’i ndaluar ata të luajnë shumë gara njëherësh. Disa personazhe kanë statistika dhe sende më të mira në pista të ndryshme. Janë gjëra tipike të një loje mobile, por të paktën loja ju tregon mundësitë për fitimin e sendeve të ndryshme.
Duke parë problemet që lojërat e tjera me këtë lloj monetizimi kanë pasur në Belgjikë dhe Hollandë, me shumë mundësi Mario Kart Tour nuk do të lançohet kurrë në këto vende. Megjithatë, thjesht duhet të presim derisa loja të dalë nga beta dhe të lançohet për të gjithë.