Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Gameplay i FIFA 20 u tregua së fundmi në FIFA eWorld Cup tournament dhe është super e vështirë të gjesh ndonjë dallim në lojë. Nëse i hedh një dy gameplay-it më poshtë, do të mendoni se po shikoni një ndeshje që është luajtur në FIFA 19.
Siç e thamë ishte gjatë FIFA eWorld Cup në O2Arena të Londrës, vendi ku Electronic Arts tregoi mode-in 2 m2 2 në FIFA 20 të luhej nga figura të shquara të FIFA si MattHDGamer, Calfreezy, Mike La Belle dhe Cacho.
Nuk vihet në dyshim fakti që loja duket fiks si FIFA 19. Gjithsesi ka disa ndryshime që shumica e figurave që e luajtën mundën të vinin re. Një dallim i qartë i treguar në këtë gameplay ishte se gameplay ishte shumë më i ngadaltë se paraardhësja. Pra FIFA 20 do të luhet më ngadalë që t’ju japë më shumë kontroll mbi topin. Sipas atyre që e luajtën, mbrojtja është më e këndshme në FIFA 20 prej këtij faktori.
That gameplay was a lot slower for sure, gonna take some getting used to.
— Matt Craig (@MattHDGamer) August 4, 2019
Defending felt a lot more rewarding which is good.
Who you got winning the Final?
Krahas kësaj ka patur dallim edhe në disa ndryshime të triblimit të topit dhe lëvizjes së tij, plus diferenca në animime. FIFA 20 gjithashtu do të sjellë disa mekanika të reja për goditjet nga këndi dhe goditjet e dënimit, por asnjë prej tyre nuk ishte treguar në demo.
Ndryshimet janë prezente, por zor se mund të vihen re nga lojtarët e zakonshëm të FIFA. Fansat kanë patur sigurisht mendimin e tyre për këtë gjë, ku disa prej tyre po e quajnë FIFA 20 një kopje të lojërave të mëparëshme me disa ndryshime të vogla sa për numër. Gjithsesi ne do ju këshillonim që të prisnit edhe pak përpara se të arrini në një konkluzion tuajin.
Disa lojtarë do të kenë një muaj të tërë për ta provuar FIFA 20 përpara se ajo të lançohet. Beta e mbyllur e FIFA 20 pritet të jetë e disponueshme nga momenti në moment tashmë. Deri në datë 10 gusht pritet që të shpërndahet ftesat për këtë Beta, ndaj mbajini një herë sytë hapur nga email-i se nuk i dihet.
Diçka që të gjithë janë duke e thënë është që ky mund të jetë viti ku më në fund PES do ja kalojë FIFA. PES gjithmonë e ka patur të vështirë të ruajë ritmin e rivales së saj, por bazuar në reagimet që fansat kanë treguar mbi zbulimet e fundit që kanë bërë të dyja lojërat për këtë vit, duket se PES 20 do të bëjë goxha konkurencë.
Gjithsesi e gjitha kjo do të shihet kur FIFA 20 të lançohet në 27 shtator për PS4, Xbox One dhe PC.
