GameON po globalizohet!!!

Data 1 Dhjetor shënon lançimin e Gameon Global Network

Jemi shumë të lumtur që më në fund e bëjmë këtë informacion publik. Në fillim të Nëntorit, GameON arriti një marrëveshje me Network N, një rrjet global reklamues i cili ka nën menaxhim më shumë se 140 faqe rreth gaming siç janë True Achievements, PSNProfiles, PCGamesN, Serebii, TabStats, TheSixthAxis, TheLoadout dhe të tjera. Qëllimi i këtij bashkëpunimi është prezantimi i përmbajtjes sonë në të gjithë botën, në një platformë më të ekspozuar, përmes një portali të ri të quajtur Gameon GN ose Gameon Global Network (gameongn.com/).

Kjo iniciativë u bë e mundur falë pjesëmarrjes së Fatjonit në UK Albania Tech-Hub, një kompeticion për start-ups inovative në fushën e teknologjisë, në të cilën GameON ishte një ndër fituesit për të bashkëpunuar kështu me brande globale në Mbretërinë e Bashkuar.

Ndërsa GameON Albania është një markë solide lokale tashmë ne fushën e Gaming dhe eSports, Gameon GN sapo është lançuar, prandaj jemi ende muaj larg nga arritja e nivelit që ne aspirojmë për të, por jemi të ekzaltuar më shumë se kurrë për atë që pret e ardhmja.

Jemi të sigurt që udhëtimi përpara është plot surpriza, por nuk jemi të nxituar për të arritur destinacionin tonë pasi dëshirojmë të shohim vizionin tonë të pasqyruar në punën që bëjmë, si dhe të shijojmë çdo moment me komunitetin tonë. Ka shumë për ne që të mësojmë në muajt në vijim, por kjo është një maratonë, të cilës i jemi përkushtuar dhe jemi përgatitur për disa kohë.

Sa për komunitetin e GameON Albania, ky është një lajm shumë më i mirë dhe për ju. Ky zgjerim do të na mundesojë më shumë për të ardhmen. Suporti dhe dedikimi ynë ndaj komunitetit të GameON Albania do të fuqizohet po ashtu duke qenë se tashmë do të kemi një brand global i cili ka një ekspozim më të gjerë se kurrë. Ju kerkojme vetem te vazhdoni te na mbështesni dhe të jeni një pjesë aktive e këtij komuniteti i cili siç e shihni, është në lulëzim.

Do donim të falënderonim të gjithë anëtarët e përfshirë në arritjet tona, stafin tonë, moderatorët dhe mbështetësit tanë.

Këtu janë të gjitha platformat e Gameon GN, kështu që bashkohuni me ne.

Website: gameongn.com/
Instagram: instagram.com/gameon_gn/
Facebook: facebook.com/gameongn
Twitter: twitter.com/GameonGn
LinkedIn: linkedin.com/company/gameon-gn
Twitch: twitch.tv/gameongn
YouTube: youtube.com/channel/UC1ZjTK76hREtvy3_xdcAHfw