Mund të shohim një përmbledhje të vogël të serisë së parë
Mund të shohim një përmbledhje të vogël të serisë së parë
Data e premierës së sezonit të tetë të Game of Thrones ka ardhur teksa HBO i zbuloi këto detaje përpara episodit të ri të serialit True Detective. Sezoni i fundit do të transmetohet në 14 prill.
HBO ju solli fansave edhe një surprizë shtesë me një trailer të shkurtër që solli më shumë skena se çdo trailer i mundshëm i publikuar deri tani. Si çdo trailer i Game of Thrones përgjatë viteve të fundit është e vështirë të kuptosh se çfarë është reale dhe çfarë është thjesht një keqkuptim. Gjithsesi ky trailer paraqet një pamje të qartë të një ribashkimi të fuqishëm të Stark-ëve në të ardhmen.
Fatmirësisht, falë Entertainment Weekly dimë edhe më shumë për sezonin e tetë. Episodi i parë duket se do të nisë me një takim tensionues mes Sansa Stark-për momentin në krye të Winterfell-dhe Jon dhe Daenerys, të cilët po kthehen nga udhëtimi i tyre i tmerrshëm drejt murit. Kur Sansës i kërkohet të betohet për aleancën ndaj Dany tensionet marrin tatpjetën. Për momentin ky është i vetmi informacion konkret që dimë.
Sado që kaq nuk është mjaftueshëm për të krijuar një ide të plotë, lajmi i mirë është se premiera gjendet vetëm pak muaj larg. Me ardhjen e saj të gjitha pyetjet dhe teoritë që kemi ndërtuar rreth sezonit final të Game of Thrones do të përgjigjen.