G2 Esports falenderoi Riot Games për gjobën
G2 Esports falenderoi Riot Games për gjobën
G2 Esports është gjobitur nga Riot Games pasi top laner-i në League of Legends Martin “Wunder” Hansen u pa duke luajtur World of Warcraft Classic.
G2 morri një gjobë prej $1,100.15 (€1,000) në 13 shtator për një “shkelje komerciale” sipas LEC Penalty Tracker. Rogue gjithashtu morri një gjobë të ngjashme për një tjetër shkelje komerciale, duke marrë të njëjtin penalizim.
Edhe pse nuk dihet saktësisht se ku Wunder po e luante MMO-në, thuhet se ai e hapi gabimisht WoW Classic gjatë një transmetimi të LEC. PC-të në transmetim jepen nga Riot dhe nëse kjo gjë ka ndodhur gjatë një transmetimi zyrtar të Riot, gjoba është e justifikuar.
G2 falenderoi me shaka Riot në Twitter, sepse i dha ekipit një arsye për të çinstaluar WoW Classic nga kompjuteri i Wunder. “Duam t’ju falenderojmë në mënyrë formale për dhënien e kësaj gjobe pasi shfaqeëm Wunder duke luajtur WoW Classic” – tha G2.
WoW Classic është lançuar në 26 gusht dhe ka qënë një sukses shumë i madh. Rilaçnimi i MMO solli mbi 1 milion shikues në Twitch dhe rradhë shumë të gjata pritjeje. Në bursa, aksionet e Activision Blizzard u rritën me mbi 5%, duke arritur shifrat më të larta për kompaninë që prej nëntorit të 2018.
Wunder dhe pjesa tjetër e G2 Esports po përgatiten për Worlds 2019, eventin më të madh të vitit për League of Legends. G2 janë një prej ekipeve më të mira në botë dhe padyshim që janë një prej pretendentëve për të fituar të gjithë turnamentin. Megjithatë, konkurrenca padyshim që do të jetë e fortë, edhe pse siç u provua vitin e kaluar diferena midis ekipeve perëndimore dhe lindore në League of Legends është duke u ngushtuar. Do të ishte një gjë shumë e mirë nëse një ekip europian do të fitonte Worlds në kontinentin e tij.