G2 mposht SKT T1 për të avancuar në finalen e Worlds 2019

Europianët kanë një mundësi shumë të mirë për të fituar Worlds 2019

G2 kanë arritur të shkruajnë historinë duke mposhtur SK Telecom T1 në gjysmëfinalen e Worlds 2019 në League of Legends, në një prej ndeshjeve më të bukura ndonjëherë. Ëndrra europiane duket shumë pranë realizimit, ndërkohë që hakmarrja e koreanëve mbylleet këtu.

Në katër ndeshje shumë të lufutara, të dyja ekipet treguan pse janë dy prej ekipeve më të mira në botë. SKT merrte vazhdimisht kryesimin në early game me anë të jungler-it Kim “Clid” Tae-min dhe top laner-it Kim “Khan” Dong-ha. G2 nuk hoqi dorë, duke luftuar në çdo ndeshje dhe duke kthyer vazhdimisht rezultatin.

Nëpërmjet picks-ave dhe teamfight-eve të vogla, G2 arriti të merrte avantazhe të vogla për të filluar një comeback, ndërkohë që më vonë ata bënin vazhdimisht outplay SKT në teamfight-e për të fituar lojën. Mid laner-i i SKT, Lee “Faker” Sang-hyeok, bëri vazhdimisht gabime në pozicionim dhe mekanika të cilat i kushtuan shumë ekipit të tij, sidomos në ndeshjen e fundit.

Ky ishte një skenar që u përsërit vazhdimisht gjatë katër ndeshjeve. Dukej sikur Faker ra pre e presionit, ndërkohë që dhe shokët e tij të ekipit bënin gabime të vazhdueshme, por gabimet e Faker ishin ato që kushtuan më shumë.

Në fund, G2 tregoi se duhet të jetë pjesë e diskutimit si një prej ekipeve më të mira ndonjëherë, për shkak të kreativitetit si dhe aftësive të tyre në teamfight-e, me anë të të cilave tashmë kanë arritur në finale. Marcin “Jankos” Jankowski, por edhe Luka “Perkz” Perković dhe Rasmus “Caps” Borregaard luajtën mjaftë mirë.

Ndërkohë, për SKT kjo ishte hera e parë që morrën pjesë në Worlds pa arritur në finale. Edhe pse ata mbeten ende një ekip shumë i fort, padyshim që kjo humbje do të jetë në mendjet e lojtarëve për disa muaj. Ndërkohë që G2 do të përballet me FunPlus Phoenix, për të shpallur fituesin e Worlds 2019 në datën 10 nëntor.