Fuser, loja e re nga Harmonix, do të na shndërrojë të gjithë në DJ

Nga krijuesit e Rock Band dhe Guitar Hero

Studioja e Rock Band, Harmonix është rikthyer me një lojë tjetër muzikore, vetëm se këtë herë, bëhet fjalë për të bashkuar këngë së bashku. Loja e re quhet Fuser, dhe zhvilluesi i përshkruan si “një festival muzikor pa ndalesë, ku ju kontrolloni muzikën”. Ideja është që ju luani si një DJ, duke bashkuar këngë të ndryshme së bashku për të ekzaltuar turmën. Do të ketë një single player campaign, një modalitet free-to-play me ide të reja muzikore dhe multiplayer ku mund të konkurroni dhe të bashkëpunoni me lojtarë të tjerë.

Sigurisht, pjesa më e rëndësishme e një loje si kjo është përzgjedhja muzikore, dhe Harmonix thotë se loja do të përfshijë më shumë se 100 këngë të licencuara, duke përfshirë “In Da Club” dhe “Bad Guy”, së bashku me materiale për meme si “All Star” dhe “Old Town Road”. Këto duhet të jenë ideale për aspektin shoqëror, ku lojtarët mund të ndajnë krijimet e tyre të mashup-eve me të tjerë online.

“Muzika sot është një eksperiencë,” tha CEO i Harmonix, Steve Janiak në një deklaratë. “Nuk është më thjesht njerëz që dëgjojnë albume, është regjistrimi dhe ndarja e videove nga ju duke kënduar këngët tuaja të preferuara, duke shikuar bandat tuaja të preferuara që luajnë në festivale dhe duke shkëmbyer këngë me miqtë tuaj. Fuser vendos lojtarët në qendër të të gjithë kësaj duke ju lënë të mix-oni dhe të ndani disa nga hitet më të mëdha në rrugën tuaj për t’u bërë një dj resident i festivalit.”

Qëllimi thelbësor i Fuser tingëllon i ngjashëm me një lëshim të mëparshëm të Harmonix, Dropmix, ku lojtarët mund të vinin bashkë këngët duke vendosur karta në një platformë. Ishte një lojë muzikore argëtuese, megjithëse e shtrenjtë, dhe një nga shumë eksperimente muzikore që Harmonix ka lëshuar në vazhdimin e suksesit origjinal të Rock Band, duke përfshirë edhe lojën action ritmike VR, Audica të vitit të kaluar.

Fuser pritet të dalë këtë vjeshtë në PS4, Xbox One, Switch dhe PC.