Fundjava Double XP kthehet sërish në Apex Legends me një ditë ekstra

Plotësoni fitoret tuaja deri në 16 shtator.

Ku ka më bukur se të dalësh mirë në Apex Legends dhe të marrësh double XP për këtë. Eventi i fundit i lojës për battle royale-in me skuadra do të sjellë një eksperiencë të veçantë për njerëzit që do e luajnë gjatë fundjavës. Gjithesi nëse doni XP ekstra skuadra juaj duhet të dali në Top 5.

Fundjava Extended Double XP është live tani dhe do të vazhdojë të mbetet e hapur deri në 16 shtator. Kjo do të funksionojë në të njejtën mënyrë si eventi Double XP i fundjavës së kaluar, por këtë rradhë do të keni një ditë shtesë për të mbledhur ato pikët.

Eventi Wraith i Apex Legends do të vazhdojë deri në 17 shtator, ndaj kjo është koha perfekte për të luajtur pak nëse e keni lënë pas dore kohët e fundit.

Përsa i përket cosmetics, pa merak sepse Apex Legends zuri mend nga “sherri” që u bë me eventin Iron Crown dhe të gjitha këto cosmetics tashmë janë shumë më të përballueshme. Gjithashtu kini parasysh se ato janë të limituara me eventin, ndaj pas kësaj fundjave mos prisni ti shihni më në raft.

Sezoni i tretë i Apex Legends pastaj pritet të fillojë në fillim të tetorit, duke sjellë më shumë ndryshime në hartë, armë të reja dhe me shumë mundësi një personazh të ri. Më në fund mund të jetë momenti për tu përballur me Crypto zyrtarisht. Ekziston gjithmonë edhe mundësia që Respawn të na kapi në befasi dhe të prezantojë një tjetër personazh, por një gjë është e sigurt. Nuk do të na duhet të presim shumë përpara se ta zbulojmë.