Loja është e disponueshme për pre-order në Steam
Loja është e disponueshme për pre-order në Steam
Në vetëm tridhjetë ditë, RTS i ri nga veteranët e Command & Conquer te Petroglyph do të bëjë debutin e tij. Conan Unconquered do të lançohet në Steam me datë 30 maj. Loja është një real-time survivor dhe është e para lojë strategjike e vendosur në botën e ashpër të Conan Barbarit. Një nga tiparet kyçe të saj është aftësia për ta luajtur plotësisht në co-op, duke punuar së bashku me një lojtar tjetër për të ndërtuar një bazë të fortifikuar dhe për të smbrapsur forcat pushtuese.
Sot, Funcom dhe Petroglyph postuan videon e parë të gameplay-it, duke na treguar mbi 20 minuta të co-op gameplay. Dy lojtarët që janë duke e luajtur janë Renato Orellana, dizajner i Petroglyph dhe Jens Erik Vaaler, Menaxheri i Komunitetit te Funcom.
Conan Unconquered klasifikohet si një lojë strategjike ku lojtarët duhet të përballen me grupe të ndryshme aemiqsh, që thjesht rriten vazhdimisht në numër dhe vështirësi. Për t’ia dalë mbanë lojtarët duhet të ndërtojnë një strehim të fuqishëm dhe të organizojnë një formë të mirë mbrojtjeje për të parandaluar shkatërrimin total.
Loja mund të luhet edhe në single-player, por për ti bërë gjërat pak më argëtuese do iu këshillonim ta luanit me ndonjë shok/shoqe. Momentalisht loja është e disponueshme për pre-order në Steam. Hidhini një sy gameplay-it të saj për ta ndarë mendjen.