US Federal Trade Commission ka ngritur një padi kundër Facebook, duke thënë se gjigandi i mediave sociale ka përdorur një strategji sistematike për të ruajtur monopolin e tij, duke eleminuar konkurencën. FTC përmendi këtu blerjen e Instagram në 2012 dhe atë të WhatsApp në 2014, plus imponimin e “metodave antikompetitive mbi software developers”.
Padia përshkruan me detaje se si kur Instagram u paraqit për herë të parë në një pikë kritike për rrjetet sociale, Facebook fillimisht tentoi të konkuronte me merita. Në fund gjithsesi vendosi se do të ishte shumë më e thjeshtë nëse do e blinte. Kjo gjë u bë në prill të 2012s për $1 miliardë, një lëvizje që sipas FTC neutralizoi kërcënimin dhe e bëri më të vështirë për konkurentët e tjerë që të fitojnë avantazh.
2012 gjithashtu solli ngritjen e WhatsApp si “lideri global në mesazhet e mobile”. Këtu Facebook përsëriti veten, duke e blerë kompaninë për $19 miliardë në shkurt të 2014s. Sipas FTC kompani ka bërë edhe shumë gjëra të tjera prapa shpine, si me rastin e 2013s kur bëri disable API që bënte enable Vine video app të Twitter, për të aksesuar miqtë në Facebook.
FTC kërkon që të ketë diversitet asetesh ose rikonstruktim të bizneseve, përfshirë këtu Instagram dhe WhatsApp. Kjo me qëllimin e vetëm për të lejuar konkurencën në fushën e rrjeteve sociale. Praktikisht FTC do që gjykata të coptojë Facebook.