Secili për vete
Secili për vete
Një mode ikonë i multiplayer nga të gjithë lojërat Call of Duty po vjen në versionin mobile të lojës. Lojtarët do të kenë mundësi të luajnë Free-for-All nga 11-17 tetor.
Në këtë LTM, secili është për vete. Sapo një lojtar arrin një numër të caktuar vrasjesh, ata do të shpallen fitues. Ky mode nuk ka ekipe, ndryshe nga të gjitha game mode-t që ka multiplayer i Call of Duty: Mobile.
Free-for-All është i ngjashëm me një solo battle royale. Lojtarët duhet të mbijetojnë vetëm, por ata do të përdorin armët e tyre të multiplayer dhe jo të marrin loot. Free-for-All do të luhet në të gjitha hartat e Call of Duty: Mobile.
Ardhja e Free-for-All rrit numrin e mode-ve të lojës në gjashtë: Frontline, Team Deathmatch, Domination, Search and Destroy dhe praktikën. Edhe pse është vetëm një mode i përkohshëm, nëse Free-for-All luhet mjaftueshëm, me shumë mundësi do të vijë në të ardhmen.
Megjithatë, kjo nuk është e gjitha. Activision dhe Tencent po zhvillojnë Zombies që do të vijnë në Call of Duty: Mobile së shpejti. Ky do të jetë një game mode linear me disa misione ndryshe nga survival në Black Ops.
Call of Duty: Mobile ka qënë një sukses i padiskutueshëm për Activision. Loja ka arritur mbi 100 milionë downloads vetëm një javë pas lançimit, duke kaluar lançimet e Fortnite dhe PUBG me një distancë shumë të madhe.