Prisni një përzierje midis të shkuarës dhe së ardhmes
Prisni një përzierje midis të shkuarës dhe së ardhmes
Ky ka qënë një vit shumë i suksesshëm për Garena Free Fire, e cila ka thyer rekorde për mobile esports duke arritur 2 milionë shikues njëherësh në Free Fire World Series në Brazil më herët gjatë këtij viti. Tani, duket se ka ardhur koha për pak atmosferë festive në lojë.
I quajtur Winterlands, ky event festiv do të risjellë në lojë shumë skin-e dhe game mode nga e shkuara e lojës, por gjithashtu edhe gjëra të reja për lojtarët.
Skin-et që do të vijnë sërish në lojë janë një kostum ariu polar dhe një kostum të njeriut biskotë, të cilët janë padyshim shumë të përshtatshme për këtë sezon festiv. Për sa i përket mode-ve që do të rikthehen, do të keni mundësi të luani sërish Cold Steel, Explosive Jump, Clash Squad dhe Big Head. Prandaj, nëse ju kanë pëlqyer këto mode, mos humbisni kohë dhe futuni në lojë.
Për sa i përket gjërave të reja që pritet të vijnë, këtu përfshihen një tematikë festash, personazhe të rinj dhe një kafshë. Gjithashtu do të ketë edhe një mode festiv i quajtur Snowman mode, të cilin do të keni mundësi ta luani duke nisur nga 22 dhjetori.
Gjithashtu, siç mund ta imagjinoni, bora ka mbuluar shumë prej hartave të lojës, përfshirë këtu dhe lobby-n ku mund të shihni plot pleq dëbore.