Si të merrni mbrapsht llogarinë që keni humbur në Free Fire

Nëse keni humbur llogarinë tuaj, ja çfarë duhet të bëni

Për të luajtur Free Fire, juve ju duhet të krijoni një llogari. Ndodh shpesh që përdoruesit të humbasin aksesin tek llogaria e tyre dhe shumë nuk dinë se çfarë të bëjnë në këtë rast. Në varësi të llogarisë që keni, ka disa zgjidhje.

Nëse keni humbur llogarinë tuaj të lidhur me Facebook ose Gmail, ajo që duhet të bëni është thjesht të ndryshoni password-in. Megjithatë, nëse llogaria juaj në Facebook mbyllet përgjithmonë, ju do të humbisni edhe llogarinë tuaj në Free Fire. Për ta marrë atë sërish mbrapsht, duhet të aplikoni duke plotësuar një formular këtu. Ju duhet të tregoni që keni marrë një email nga Facebook që thotë se llogaria juaj është mbyllur.

Nëse keni një llogari Guest, sipas Garena është e pamundur që ta merrni llogarinë mbrapsht dhe do t’ju duhet të krijoni një llogari tjetër. Edhe vetë Garena rekomandon që ta lidhni llogarinë tuaj me një llogari tjetër për ta mbajtur të sigurt.