Ajo do të përmirësohet dhe do të rikthehet së shpejti
Ajo do të përmirësohet dhe do të rikthehet së shpejti
Harta e re që po testohej në Free Fire, Kalahari, është hequr zyrtarisht sot nga loja, siç njoftoi dhe Garena. “E përdorëm këtë periudhë testimi për të mbledhur përshtypjet e komunitetit dhe kuptojmë se çfarë duhet të bëjmë për ta përmirësuar hartën,” – tha stafi në rrjetet sociale. “Prandaj harta mund të luhej vetëm për një kohë të limituar! Na thoni se çfarë mendoni!”
Kalahari është një hartë shkretinore, e inspiruar nga Shkretëtira Kalahari që mbulon shumicën e Botswanës në Afrikë. Vetëm një pjesë e vogël e saj mund të provohej që prej 1 janarit: Command Post, Stone Ridge, Sud dhe Santa Carina. Ajo mbante 20 lojtarë dhe ende kishte bugs.
Edhe pse ishte vetëm një pjesë e vogël e hartës, lojtarët ishin të detyruar të përdornin automjete për të mbijetuar, pasi vendet ishin shumë larg njëri tjetrit dhe nuk kishte vende për t’u fshehur. Megjithatë, situata mund të jetë ndryshe në pjesën tjetër të hartës.
Zhvilluesit do të mbledhin përshtypjet e komunitetit dhe do ta risjellin hartën sërish në lojë kur ajo të jetë gati. Nuk dihet se kur Kalahari do të rilançohet në Free Fire.
Kalahari ishte e shumëpritur nga lojtarët, pasi ishte harta e parë e re që prej Purgatory, që u lançua në 2018.