PUBG Mobile është një nga mobile esports më të mëdhenj momentalisht. Ka një ligë mëse të strukturuar dhe në PUBG Mobile Star Challenge Finals 2018 kishte një price pool prej $600,000. Versioni mobile i lojës ka patur një numër të madh eventesh esports me mbulim të gjerë nga media dhe është një lojë e cila gjendet rregullisht në krye të çarteve të Google Play Store në thuajse çdo vend.
Krahas kësaj, ka një tjetër mobile battle royale që është duke thyer rekordet e shikueshmërisë në eventet e esports. FreeFire e zhvilluar nga Garena, është një lojë battle royale me 50 lojtarë e bërë për Android dhe iOS. Loja ka mbi 100 milion shkarkime dhe u lançua në 4 dhjetor të 2017s, tre muaj para lançimit global të PUBG Mobile.
Sipas çarteve të Esports, Free Fire World Cup 2019 ka patur më shumë shikueshmëri se PUBG Mobile Star Challenge Finals, e mbajtur në 29 nëntor-1 dhjetor 2018.
Free Fire World Cup kishte një mesatare prej 630,931 shikuesish në pesë orët e streaming që ajo pati. Arriti një peak prej 1,003,946 shikuesish. Ndërkohë që PUBG Mobile Star Challenge Finals kishte një shikueshmëri mesatare prej 174,992 dhe një peak prej 418,340.
Ajo çfarë e bën Free Fire aq të ndjekur është aftësia e saj për tu përdorur në thuajse çdo paisje. Loja mund të luhet në grafika të larta me një FPS të denjë edhe në telefona me parametra të ulët. PUBG Mobile nga ana tjetër ka kërkesa shumë të larta. Loja mund të luhet me grafika të larta, vetëm në telefona me parametra të mirë.
Kjo e bën Free Fire shumë të përhapur në rajonet e Azisë Juglindore. Më tej, ndeshjet në Free Fire janë vetëm 10 minuta. Kjo gjë i bën ato të shkurtra dhe interesante. Plus që në krahasim me PUBG Mobile, në Free Fire kundërshtarët nuk vdesin me pak plumba.
Free Fire World Cup 2019 ishte turnamenti i parë internacional i esports për lojën dhe u mbajt në Bangkok, Tailandë në 7 prill të 2019s. Për turnamentin $100k kalimi i 1 milionshit në shikime ishte realisht një arritje. Mbi të gjitha kur e krahason me atë të PUBG Mobile që kishte një prize pool edhe më të madh dhe prapë nuk ja doli të kishte shikueshmëri kaq të mirë.
Shikuesit e Free Fire ishin rreth 90% nga Portugalia, Spanja, Vietnami dhe Indonezia. Kjo është arsyeja se përse ky artikull vjen si një lajm shokues në vende ku loja nuk është shumë e përhapur. Në pjesën më të madhe të Europës, Amerikës Veriore, Lindjes së Mesme dhe Afrikës, loja është nën hijen e PUBG Mobile. Ky duhet të jetë një lajm tepër i bukur për të gjithë fansat e Free Fire.