Ndizni motorrat.
Ndizni motorrat.
Seritë e Forza do të vijnë në Xbox Series X, me Microsoft që njoftoi zyrtarisht lojën e ardhshme në linjën e Forza Motorsport, të zhvilluar nga Turn 10 studios, në eventin e fundit të Xbox.
Microsoft thotë se loja e re e Forza Motorsport është ende “në fazat e para të zhvillimit”. Kompanisë gjithashtu i ka mbetur të njoftojë edhe një periudhë lançimi. Nuk është e qartë nëse loja do të quhet Forza Motorsport 8 në këtë pikë.
Nga ana teknike pastaj, do të kemi disa avancime shumë të mëdha teknike, me premtime të gameplay në 4K/60fps dhe ndriçim realistik me ray-tracing, duke i lejuar sipërfaqet e makinave të reflektojnë njëra-tjetrën dhe duke dhënë momente të dritës dhe hijes më të detajuar.
Është një moment mjaft emocionues ky për fansat e car simulators. Siç është zakonisht rasti me ardhjen e konsolave të gjeneratës së ardhshme, Microsoft nuk është e vetmja që po fund botën e garave me makina. Sony tashmë e ka njoftuar që Gran Turismo 7 do të vijë në PlayStation 5.
Loja e re e Forza Motorsport do të jetë e disponueshme në Xbox Series X dhe Windows 10. Nuk u përmend ndonjë version për Xbox One. Ajo gjithashtu do të ofrohet përmes Xbox Game Pass. Asnjë datë lançimi nuk është momentalisht e ditur.