Falë Turn 10 Studios, lojërat Forza do të kenë një spinoff. Forza Street, një lojë falas e dizenjuar për tu luajur “kudo dhe kurdo” është tashmë e disponueshme në Windows PC. Loja do të vijë më vonë gjatë vitit në Android dhe iOS.
Forza Street, e publikuar më parë në Microsoft Store nën emrin Miami Street, përdor kontrolle më të lehta për të garuar. Gameplay fokusohet kryesisht në menaxhimin e mirë kohor të gazit dhe frenave. Sado që gameplay nuk vjen në formë shumë komplekse, ka plot makina, gara dhe sfida të tjera me të cilat mund të bëni upgrade dhe të shijoni lojën.
Loja është e disponueshme në Microsoft Store nëse doni ti hidhni një sy. Nëse jeni të dhënë pas mobile atëherë, do iu duhet të prisni edhe pak, pasi ende nuk ka një datë të konfirmuar të lançimit.