Bëhen leak dhuratat për eventin e Vitit të Ri 2020 në Fortnite

Për të festuar Vitin e Ri, Epic do të sjellë në lojë dy wraps

Ndërkohë që vitit 2019 po i vjen fundi, Epic Games duket se ka përgatitur sërish një festë për lojtarët, duke sjellë në lojë gjithashtu dhe disa cosmetics të reja.

Ka patur një event për thuajse çdo festë në Fortnite, prandaj ky lajm nuk është aspak surprizues, por duket se gjërat nuk do të ndryshojnë shumë në krahasim me eventin e vitit të kaluar.

Dataminers kanë arritur të konfirmojnë eventin, i cili duket se do të jetë thuajse njësoj me atë të vitit të kaluar. Duhet të keni parasysh se eventi dhe këto wraps mbeten leaks, prandaj ato mund të mos vijnë në lojë.

Dy wraps që do të vijnë në lojë për të festuar Vitin e Ri quhen New Year 2020 dhe Star Party respektivisht.

Wrap-i New Year do të jetë pjesë e dhuratave të Winterfest, ndërkohë që Star Party do të vijë në dyqanin në lojë. Nuk dihet se çfarë çmimi do të ketë ky wrap.

Përveç wraps, eventi nuk pritet të sjellë diçka tjetër. Kjo nuk është e çuditshme, pasi zhvilluesit kanë marrë pushimet pas punës së lodhshme që kanë bërë me update-t e Fortnite gjatë këtij viti.

Fundi i sezonit të parë të Chapter 2 në Fortnite është shtyrë në fillim të shkurtit, prandaj Epic duhet të mbushë kohën e mbetur me disa evente. Winterfest tashmë ka kohë që ka filluar dhe gjithashtu kemi parë dhe disa stuhi të çuditshme bore në hartë, të cilave ende nuk ua dimë qëllimin.