Fortnite ka lënë një impakt të madh në zhanrën e battle royale dhe në industrinë e videolojërave. Mekanikat e building në lojë, eventet dhe crossover-at e shpeshta e kanë bërë atë një nga free-to-play më të mirat e të gjitha kohëve. Me arritjet mbreslënëse të lojës, është e pabesueshme që ajo ende është duke thyer rekorde tre vite pas lançimit të saj. Gjithsesi koncerti i Travis Scott ja ka dalë të bëjë pikërisht këtë.
Me koncertin Astronomical të Travis Scott në Fortnite, loja ja doli të kalojë rekordin e saj të mëparshëm të lojtarëve që ndodhen njëheresh në lojë. Sado që mund të duket e çuditshme që të bashkosh muzikantët me lojëra që zakonisht i kërkojnë lojtarëve të rrinë në beteje me njëri-tjetrin, këto evente kanë qenë shumë të suksesshme për lojën. Do të jetë interesante të shohim nëse kjo arritje do i rikthejë lojtarët prapë në lojë, pasi Fortnite ka qenë qendra e kritikës gjatë javëve të fundit.
Eventi Astronomical ishte i një ambicjeje realisht të madhe dhe gjithashtu shumë mbreslënës vizualisht. Pamjet hapësinore u shoqëruan nga muzika e njohur e Travis Scott dhe pritet të vijë më shumë nga kjo në lojë, me pesë evente të tjera të tilla të mbetura.
Peformanca tërhoqi më shumë se 12.3 milionë lojtarë dhe arriti të vendoste një rekord vërtet mbreslënës. Seti i shkurtër 15 minutësh i ka bërë lojtarët kuriozë të shohin se çfarë tjetër mund të sjellë turi. Sado që shumë njerëz kanë thënë se Fortnite e ka arritur kulmin dhe është duke vajtur drejt fundit, ky event tregoi se loja ka ende plot ide të reja dhe të freskëta.