Fortnite do të shtojë një veçori të shumëpritur në lojë

Duket se Epic Games po bëhet gati të shtojë një veçori shumë të rëndësishme në Fortnite, për të ndjekur lançimin e Chapter 2 Season 2 këtë javë. Më specifikisht dataminers kanë zbuluar se Epic Games ka shtuar Locker Loadouts në filet e lojës, që do i lejojnë lojtarët të krijojnë dhe organizojnë loadout-e të ndryshme që mund të emërtohen dhe bëhen favorite.

Momentalisht kjo veçori nuk është live, por leakers dhe dataminers, si puna e HYPEX, kanë vërejtur se Epic Games është duke eksperimentuar me këtë, me shumë gjasa përpara lançimit të saj final. Më poshtë mund të shikoni një koncept se si do të funksionojë ky tipar i ri i lojës.

Përtej kësaj, ikona e Procimity Mine është zbuluar dhe duket se do të mund të mbani gjashtë prej tyre njëheresh. Sigurisht që kjo nuk është konfirmuar, por leaksat e dataminers kanë rezultuar kryesisht të vërteta.

Për ata që nuk janë në dijeni, Season 2 i Chapter 2 solli shumë të reja në lojën e Fortnite, përfshirë këtu edhe një battle pass me Deadpool brenda. Sado që shumica e lojtarëve duken të lumtur me të, ka patur disa probleme të vogla me performancën.