Fortnite shton tre skine të reja Star Wars: Rise of Skywalker

Koleksioni i Fortnite me Star Wars sa vjen dhe bëhet më i madh, me Epic Games që ka shtuar veshje të Rey, Finn dhe Sith Trooper, gjatë një njoftimi surprizë në 12 dhjetor.

Përgjatë javëve të fundit Star Wars e ka pushtuar Fortnite, për të rritur edhe më shumë hype-in e premierës së Rise of Skywalker, me skine të Storm Troomer, gliders të rinj dhe shumë sende të tjera që kanë hyrë në lojën e famshme Battle Royale.

Update-et nuk kanë reshtur, me Epic që i ka surprizuar lojtarët e saj tashmë me shtimin e tre veshjeve të reja në lojë, të disa prej personazheve më të njohura të serive të Star Wars.

Rey dhe Finn do i bashkohen koleksionit të madh të skineve të Fortnite, bashkë me Sith Trooper-in e kuq. Rey dhe Finn janë personazhe shumë të njohura nga universi i Star Wars. Ata e kanë bërë hyrjen e tyre në The Force Awakens të 2015s. Të dy këta personazhe do të shfaqen në filmin e ardhshëm: The Rise of Skywalker.

Fortnite ka bërë bashkëpunime të tilla më parë si me rastin e Marvel’s Avengers, John Wick dhe Borderlands 3, por Star Wars është një që thjesht vazhdon të vijë herë pas here në lojë përmes eventeve.

Me Mandalorian në Disney+, lojën Jedi: Fallen Order dhe filmin e nëntë të serive që do të dalë së shpejti, hype-i për Star Wars nuk ka qenë kurrë më i madh.

Së shpejti mund të ketë njoftime të tjera për Star Wars në Fortnite, ndaj qëndroni të update-uar. Skinet e Ray, Finn dhe Sith Trooper janë momentalisht të disponueshme në Fortnite Item Shop.