Mbështesni GameON Albania duke përdorur kodin support-a-creator: GAMEONALBANIA
Po kerkoni për diamante në Free Fire Falas?! Klikoni këtu për të marrë pjesë në Giveaway për Free Fire Diamonds
Duket se duhet të blejmë të gjithë Battle Pass
Kur vjen puna tek shpërblimet e Battle Pass në Fortnite, Epic Games gjithmonë ka qënë zemërgjërë për të dhënë sa më shumë prej tyre. Megjithatë, duket se në Season X do të ketë mënyra të reja për të fituar sende të reja.
Në update-in e fundit, i cili erdhi më herët ditën e sotme, Epic zbuloi ardhjen e misioneve në Fortnite, që sipas tyre janë një seri objektivash me tematikë. Kur plotëson këto misione, ke mundësi të fitosh Battle Stars, XP dhe cosmetics të cilat janë ekskluzive për atë mision specifik. Por, pasi merr shpërblimin tënd, më shumë sfida të presin.
Disa prej misioneve janë hapur që tani, ndërkohë që pjesa tjetër pritet të hapen gjatë ditëve të ardhshme. Në fund të çdo misioni, ka një opsion për të parë misionet Prestige, të cilat mbartin në to një shumëllojshmëri sfidash dhe shpërblimesh. Megjithatë, tani për tani nuk ka asnjë shpjegim se si këto misione do të funksionojnë, po duket se fillimisht duhet të mbarosh misionet normale para se t’i futesh punës me misionet Prestige e shumica e misioneve normale as nuk janë hapur akoma.
Duket interesante mënyra se si Epic ka zgjedhur të shpërblejë lojtarët për arritjen e plotësimit të sfidave të ndryshme. Padyshim që dhe misionet Prestige kanë shpërblimet e tyre. Ato japin bonus XP, të cilat ju ndihmojnë të rrisni nivelet e Battle Pass-it.
Megjithatë, duket se nëse ju jeni një nga ata lojtarë që nuk kanë dëshirë të blejnë Battle Pass ose mbase nuk ka mundësi ta blejë atë, nuk do të keni akses në këto shpërblime. Gjatë sezoneve të fundit, sfidat falas mund të plotësoheshin së bashku me ato të paguarat, por në Season X duket se ato janë zhdukur, çka e bën shumë të vështirë fitimin e shpërblimeve për ata që ende nuk kanë shpenzuar para.
