Së shpejti mund të keni mundësi të luani falas dhe pjesën tjetër të Fortnite
Së shpejti mund të keni mundësi të luani falas dhe pjesën tjetër të Fortnite
Përpara se Fortnite të kishte një battle royale dhe të shndërrohej në fenomenin global që është sot, ishte një lojë PvE që tashmë njihet si Fortnite Save the World. Projekti është në Early Access dhe ka një pagesë, por Epic Games ka premtuar se dhe ky version do të bëhet falas. Nëse po prisni që kjo të ndodhë, do të ndiheni mirë kur të dëgjoni se kjo mund të vijë së shpejti.
Sipas disa raportimeve, në orët e fundit fansat vunë re se opsioni për të blerë Fortnite: Save the World – Standard Founders Pack ishte hequr nga Playstation Store. Ndërkohë, Xbox Store thotë se ai nuk është në shitje dhe për ta marrë duhet të keni një kod. Gjithashtu Epic Games Store e ka hequr atë plotësisht nga dyqani.
Fakti që Fortnite Save the World nuk është më në shitje i ka bërë njerëzit të besojnë se një version free-to-play i saj është shumë afër. Pas të gjithave, një kapitull i ri i battle royale solli një hartë të re dhe nuk do të ishte çudi që Epic t’i lejonte lojtarëve të luanin dhe versionin PvE të lojës.
Fatkeqësisht, Epic ende nuk ka dhënë asnjë koment mbi këtë situatë, prandaj e mira do ishte që të mos bëheshit entuziastë dhe t’i mendonit këto ende si zëra. Nëse diçka do të ndodhë, do të zbulohet data dhe se si mund të luajmë Save the World pa pagesë. Ndërkohë që prisni, hidhini një sy Fortnite Chapter 2, që ka sjellë disa veçori mjaft interesante në lojë dhe gjithashtu ka sjell dhe një hartë të re me 13 POI mjaft interesante për t’u eksploruar.