Duket se numri i lojërave të luajtura nga yjet e YouTube është ulur.
Duket se numri i lojërave të luajtura nga yjet e YouTube është ulur.
Në qoftë se hedh sytë nga videot “trending” në YouTube, mund të vësh re një numër shumë të madh videosh mbi Fortnite. Edhe pse një pjesë e kësaj vjen nga suksesi i battle royale-s së Epic Games, kjo gjithashtu tregon një trend ku yjet më të mëdhenj të industrisë po luajnë sa vjen e më pak lojëra.
YouTuber-at po hedhin të njëjtin numër videosh si më parë, por duke parë statistikat numri i lojërave unike në këto video ka rënë në mënyrë dramatike. Në 2016, numri i titujve unikë nga 10 influencuesit më të mëdhenj në YouTube ishte 383. Ky numër u ul pak në 2017, kur arriti 326, por në fund të 2018 numëroheshin vetëm 28 lojëra!
Kjo vjen kryesisht si pasojë e Fortnite, që numëronte plot 94% të shikimeve totale për 10 YouTuber-at më të ndjekur. Madje, Fortnite ishte aq i kudondohur saqë gjatë 2018 për 8 prej 10 prej tyre vetëm 87 video në total nuk kishin asnjë lidhje me Fortnite.
Megjithatë, jashtë dhjetëshes, gjërat ndryshojnë deri diku. Numri i shikimeve totale të Fortnite ulet në 61%, por 43 prej 100 më të ndjekurve postuan më shumë Fortnite se çdo lojë tjetër. Ndër lojërat e tjera përfshihen FIFA, Call of Duty: Black Ops 4 dhe The Sims 4.
Edhe nëse ky trend vazhdon, pritet që gjatë 2019 të ketë të paktën një lojë të re në listë. Lançimi i battle royale-s së Respawn çoi numrin e lojtarëve të Apex Legends në 50 milionë brenda një muaji e duke parë se YouTuber-a dhe streamer-a si Ninja e Dr. DisRespect janë nisur drejt King’s Canyon, numri i konkurrentëve të Fortnite pa dyshim që do të rritet deri në fund të këtij viti.