Shihemi në gjyq!
Shihemi në gjyq!
Epic Games po përballet sërish me pasoja ligjore mbi gjërat që vendos në Fortnite. Këtë rradhë problemi qëndron te një emote, ku lojtarët kërcejnë teksa i bien saksofonit. Paditë e mëparëshme kanë ardhur nga ylli i Fresh Prince of Bel-Air, Alfonso Riberio, rap-eri Milly mbi Milly Dance dhe tani nga saksofonisti i mirënjohur Leo Pellegrino, i cili ka deklaruar se Epic Games është bazuar në imazhin e tij pa i marrë leje.
Nëse nuk e njihni Pellegrino nga emri, mund ta keni dëgjuar nga grupi Too Many Zooz. Lëvizjet e Pellegrinos janë vërtet unike dhe po ti shohësh videot e tij, mund ta kuptosh pse dëshiron ta hedhë në gjyq Epic. Shikoni më poshtë të dyja videot për ta bërë edhe vetë krahasimin.
Duket sikur Epic dhe paditë ligjore nga të famshmit nuk do të shkëputen kurrë nga njëri-tjetri. Mbetet të shohim se si do të shkojë puna me Leo. Zakonisht të tilla procedura zgjaten, pasi realisht pjesa e copyright-it mund të komplikohet më shumë se ç’duhet. Ka raste kur lihen përgjysëm. Ka edhe raste kur ndërmerren sërish më vonë.
Gjithsesi deri në këtë pikë, Epic duhet të kishte mësuar që të merrte leje përpara se të vendoste përmbajtie të tilla në lojë. Le të shpresojmë që në të ardhmen të ketë zënë mend.