Lojtarët do të kenë mundësi të plotësojnë albumin me 315 letra
Lojtarët do të kenë mundësi të plotësojnë albumin me 315 letra
Kompania e mirënjohur për stickers dhe trading cards, Panini, ka folur për detajet e linjës së tyre të re për Fortnite Trading Cards, të cilat pritet të dalin në shitje këtë javë. Kjo seri ka ardhur nga bashkëpunimi me Epic Games, zhvilluesit e Fortnite.
Nën këtë bashkëpunim, Panini do të sjellë disa prej personazheve më të njohura të Fortnite Chapter 2 në trading cards. Albumi do të ketë 315 letra, ku përfshihen 65 letra të veçanta që ndriçojnë natën, kanë pamje të ndryshme në varësi të këndit ose kanë pamje ylberi.
Lojtarët mund të nisin koleksionimin e letrave duke blerë Starter Pack, i cili sjell albumin së bashku me 24 letra fillestare. Starter Pack do të kushtojë 9.99€ dhe çdo pako kushton 2.99€. Ende nuk dihet nëse këto do të vijnë në Shqipëri.