Fortnite lançoi sezonin e shtatë jo më larg se dje, por Epic gjithsesi e kishte ruajtur edhe një surprizë të fundit për The Game Awards. Një event brenda lojës i cili ndodhi njëkohësisht me njoftimin e tij. Një bllok i madh çimentoje shkatërroi Risky Reels.
The Block do të zëvendësojë Risky Reels nga kjo pikë e tutje. Është një hapësirë e re ku krijimet më të mira të komunitetit, të zgjedhura nga Epic do të ekspozohen në lojë. Nuk kemi ende detaje se si do të funksionojë e gjitha kjo, por duket se gjërat e ndërtuara në Fortnite Creative do të mund të bëhen pjesë fizike e vendeve të lojës që do mund të eksplorohen më vonë edhe nga të tjerët.