Këto janë ndryshimet e sotme në hartën e Fortnite

Harta e Fortnite thuajse është kthyer në normalitet tani. Pas ndryshimeve të saj në 30 korrik, ka vetëm një update të mbetur përpara se uji të kthehet në normalitet. Sweaty Sands është rikthyer plotësisht, Camp Cod ka më pak ujë dhe më shumë rrugë janë duke u shfaqur.

Ky update i hartës është i fundit përpara atij vendimtarit. Lojtarët nuk po presin ndonjë farë ndryshimi drastik, por shumica janë kuriozë se si do të duket Atlantis POI.

Për ju që keni patur Sweaty Sands si pikë dropi, që sot me update-in e 30 korrikut mund të riktheheni në vendet e zakonshme ku bënit loot. Në minimap duket njëlloj si në Season 2, por disa nga chests mund të kenë lëvizur.

Më shumë rrugë gjithashtu kanë filluar të dalin afër Slurpy Swamp, duke lidhur Misty Meadows përmes Rickety Rig. Si rregull duhet të ketë edhe më shumë rrugë të hapura përmes pemëve, por këto të fundit janë të paqarta në minimap.

Dataminers gjithashtu kanë konfirmuar se kur do të vijë update-i final i hartës për Season 3. Kjo do të jetë në datë 1 gusht në 7am GMT. Në atë pikë uji do të ketë rënë plotësisht dhe Atlantis do të jetë shfaqur.