Fortnite mund të sjellë një crossover me Lara Croft

Lojtarët e Fortnite janë të bindur se personazhi i ardhshëm pjesë e një crossover-i në Fortnite do të jetë Lara Croft, nga seritë e Tomb Raider.

Sipas dataminer-it Mang0e, një crossover skin i ri me emrin e koduar ‘Typhoon’ do të vijë në lojë së shpejti. Do të kemi të bëjmë me një personazh femër me stile reaktive dhe portali në hartë që tregon ardhjen e saj ka një efekt ‘flicker’.

Sado që emra të koduar si në rastin e tillë jo gjithmonë kanë lidhje të drejtpërdrejtë me skinin final, disa fansa besojnë se Typhoon është një referencë për hapjen e filmit të 2013 të Tomb Raider, ku Lara mbetet e braktisur në një ishull pasi një stuhi përmbyt anijen e saj.

Sa për pjesën reaktive, mund të ketë disa shpjegime. Njëri është që teksa lojtari merr damage, skini mund të duket më i gjakosur ose më i dëmtuar, që do reflektonte pamjet e Larave moderne në trilogjinë e fundit të lojërave.

Një postim i bërë së fundmi nga adresa zyrtare e Tomb Raider i ka hedhur edhe më shumë benzinë zjarrit. Përmes simboleve ata kanë shkruajtur një re mendimi me tre emoji brenda. Një prej tyre është një pickaxe, një ikonë në items-at e Fortnite.

Si përfundim, nuk mund të dihet me siguri se kush do të jetë personazhi i këtij crossoveri. Gjithsesi fansat nuk do të duhet të presin shumë, pasi Season 5 i Fortnite do të mbyllet në 16 mars 2021.