Përfaqësuesit nga EA dhe Epic u takuan me komitetin Britanik të Teknologjisë, Medias, Kulturës dhe Sportit këtë javë gjatë një seance investigative mbi “varësinë ndaj teknologjive”. Mbledhja ishte relativisht e tensionuar dhe vazhdimisht kalonte në tematika si verifikimi i moshës dhe loot boxes.
Gjërat filluan pak çuditshëm kur Epic u kërkua ti përgjigjej reagimit që Prince Harry kishte treguar ndaj Fortnite. Nga ajo pikë anektoda filluan të hidhen lart e poshtë dhe kur Epic dhe EA nuk po kthenin më përgjigje, anëtarët e parlamentit thjesht vazhduan të bënin të njejtën pyetje, por vetëm me fjalë të tjera, duke i futur të gjithë në një rreth vicioz.
Anëtarët e parlamentit ishin specifikisht të interesuar se sa para harxhojnë njerëzit në Fortnite, por Epic nuk e bëri publik këtë informacion as herën e parë dhe as herën e 20 që u pyet.
Gjithsesi kur i erdhi rradha Epic dhe EA për të folur, kreativiteti nuk kishte fund. Kur u pyet për loot boxes, EA i quajti “etike dhe argëtuese“. Gjithashtu shtoi se nuk i pëlqen që ti quajë loot boxes por “surprise mechanics”.
“Nëse shkon në një dyqan që shet shumë lodra dhe kërkon për një lodër surprizë, do të thotë që ata janë duke kërkuar për surprizën. Kjo është diçka që njerëzve ju pëlqen. Qofshin këto vezë Kinderi ose LOL Surprise.”
EA gjithashtu shtoi se bie dakord me komisionet e kumarit Australian që nuk i klasifikojnë loot boxes si kumar dhe nuk bie dakord me ata që thonë se ka prova që po. Sipas kompanisë loot boxes janë thjesht një surprizë e shëndetshme.
Le të themi me pak fjalë që kishte disa situata të sikletshme, por edhe pafund gallatë përgjatë seancës. Fortnite u krahasua me një kazino dhe shpeshherë anëtarët e parlamentit ngatërronin termat që përdornin. Shkurt puna, nëse keni pak kohë të lirë, ju sugjerojmë që ta shikoni këtu të plotë.