Sipas fansave Fortnite po kopjon Apex Legends

Apex Legends dhe Fortnite kanë sjellë të dyja sezone të reja muajin e shkuar, të cilat kanë marrë një super mikëpritje nga komuniteti. Sado që Fortnite mund të ketë patur një ose dy kritika nga fansat, komunitetet përkatëse të lojërave kanë qenë përgjithësisht të lumtur me stadin e tanishëm të shooter-it battle royale. E njejta gjë vlen edhe për Apex Legends.  Por fansat e secilës loje nuk janë të lumtur me palën tjetër, pasi ata të Apex pretendojnë se Epic Games ka vjedhur një ide tjetër nga Respawn.

Nuk është ndonjë sekret që Fortnite ka marrë pak frymëzim nga Apex Legends. Me lançimin e Season 2, Fortnite solli Vault, që hapen me një keycard dhe kanë loot brenda. Sigurisht, Apex e ka patur këtë veçori në lojë që në Season 3 që u lançua vitin e shkuar.

Gjithashtu Fortnite solli versionin e saj të Respawn Beacon, në formën e Reboot Van. Ndaj, sado që fansat e Fortnite mund të mos duan ta pranojnë, Epic ka marrë disa ide nga rivali i tij.

Ky argument arriti kulmin e tij dje kur Fortnite zbuloi setin e ri të skinit, të quajtur “Crypto Collective Set”. Besoj se mund ta kuptoni që nga emri, pse fansat e Apex mendojnë se Fortnite po i kopjon.

Sigurisht që Apex Legends ka një legjendë në lojë të quajtur Crypto, i cili rastis të ketë një veshje jeshile. Sado që dy personazhet nuk ngjajnë shumë me njëri-tjetrin përveç jeshiles dhe emrit, kjo nuk i ndaloi fansat e Apex dhe edhe një zhvillues të Respawn, të vinte në dukje pikat e përbashkta.

Moy Parra është një animator për Respawn, ndaj komenti i tij në këtë rast është me vend. Ai u rikthye më vonë për të thënë se thjesht po bënte shaka, por kjo nuk i ka ndaluar fansat e Apex dhe Fortnite që ti vihen në fyt njëri-tjetrit.

Sado që duket sikur Fortnite është frymëzuar pak nga kompetititori i saj, e njejta gjë mund të thuhet edhe për Apex Legends. Fundja, Epic Games praktikisht shpiku sistemin e Battle Pass, që Respawn e implementon në çdo sezon. Këto janë gjëra që ndodhin në industrinë e gamimg. Nuk është hera e parë kjo dhe as e fundit.