Sezoni 6 i Fortnite është shumë afër. Pas shumë spekulimeve dhe një kthese mjaft të çuditshme të eventeve që lidhen me kubin e purpurt misterioz që ka qenë duke u rrokullisur rreth ishullit, Epic më në fund ka konfirmuar se kur të fillojë sezoni i ri i lojës popullore battle royale.
Epic Games njoftoi në Twitter se Season 6 do të fillojë të enjten e ardhshme, më 27 shtator. Supozohet se sezoni do të fillojë diku javën e ardhshme, pasi website-i zyrtar i Fortnite deklaroi se sezoni 5 përfundon zyrtarisht më 25 shtator dhe Epic zakonisht fillon një sezoni i ri pak pas përfundimit të mëparshmit. Kjo, megjithatë, është hera e parë që zhvilluesi ka konfirmuar kur do të fillojë sezoni 6, megjithëse nuk ka ndarë detaje shtesë përtej datës së lançimit.
Kjo gjithashtu e bën këtë mundësinë tuaj të fundit për të kompletuar çdo sfidë të mbetur dhe për të zhbllokuar pjesën tjetër të shpërblimeve të Battle Pass Season 5. Për t’ju ndihmuar të arrini këtë, Epic po ofron një shtesë prej 400% të XP në Fortnite këtë fundjavë, prej tani deri më 08:00 të datës 24.
Ne ende nuk e dimë se çfarë mund të presim nga Season 6, por disa ngjarje të çuditshme janë duke u zhvilluar në lojë përpara lançimit të sezonit të ri. Kthehemi në retrospektivë në gusht, një valë rrufeje goditi shkretëtirën dhe la një kub të mistershëm të purpurt aty, të cilin fansat kishin filluar me dashuri duke iu referuar si “Kevin”. Kubi do të reagonte ndryshe varësisht nga mënyra se si lojtarët ndërveprojnë me të; qëndrimi i afërt me të do të rinovonte mburojat e lojtarëve, por goditja ndaj tij, do t’i shkaktonte dëm atyre dhe i zbrapste.
Menjëherë pasi u materializua, kubiku filloi ngadalë duke u rrotulluar rreth hartës së Fortnite. Nuk ishte e qartë se cili ishte destinacioni i tij, por më parë këtë javë, kubi u zhyt në Loot Lake dhe u shkri, për habinë e shumë tifozëve. Jo vetëm që e bëri ujin e purpurt, por tani gjithë liqeni është bërë në mënyrë efektive një trampoline gjigante, duke u pasur të njëjtën “kërcyeshmëri” që kishte dhe kubi. Është e paqartë se si të gjitha këto lidhen me Season 6, por ne nuk do të duhet të presim dhe shumë për ta zbuluar.