Sa është Kill/Death Ratio mesatare në Fortnite?

Nëse nuk e dinit, tani e mësuat

Pas disa lojërave ku marrin shumë vrasje ose disa lojërave ku vdesin vazhdimisht, shumë do të pyesin veten se sa është KD Ratio mesatare në Fortnite, gjë e cila ju tregon nëse ju jeni një lojtar mbi apo poshtë mesatares.

KD Ratio mesatare në Fortnite, e cila mund të përdoret si një matje për nivelin tuaj si lojtar është diku tek 1.0. Për çdo lojtar që merr vrasje, një lojtar tjetër duhet të vdesi. Siç thotë dhe Njutoni, në fund të ditës për çdo veprim ka një kundërveprim dhe në fund të fundit, KD Ratio mesatare mbetet diku tek 1.0.

Normalisht që jo të gjitha vdekjet shkaktohen nga kundërshtarët. Shpesh herë, kur janë duke ndërtuar, ndodh që lojtarët të bien dhe të vrasin veten. Nëse i përllogarit edhe këto vdekje, KD Ratio mesatare në Fortnite është diku më pak sesa 1.0.

Pra, nëse doni të dini nëse keni një KD Ratio të mirë ose jo, për sa kohë ajo është mbi 1.0, ju jeni më mirë se lojtari mesatar i lojës. Gjithsesi, edhe nëse KD Ratio juaj është poshtë 1.0, kjo nuk do të thotë se jeni një lojtar i keq, por thjesht duhet të punoni pak më shumë për të marrë më shumë vrasje.