Fortnite i bën tribut Stan Lee në LTM e saj të re të Avengers: Endgame

Excelsior!

Crossoveri i Fortnite me Avengers: Endgame solli një atmosferë shumë të këndshme në lojë. Lojtarët mund të luajnë ose nga ana e Thanos ose nga ana e Avengersave, por pavarësisht kësaj, tributi ndaj ideatorit të të gjithë Marvel, të ndjerit Stan Lee, nuk mund të mungonte.

Excelsior është një fjalë që vjen nga Latinishtja dhe do të thotë “ever upward” (gjithmonë lart). Përgjatë jetës së tij Lee e ka patur këtë fjalë tipike si shprehjen dhe moton e tij personale. Duke qenë se ai ishte krijuesi i disa nga heronjve më ikonikë të të gjithë universit të Marvel, shprehja gjendet edhe në comics.

“Kam patur shumë shprehje që zakonisht mbyllja comik books. Hang Loose, Face Front, ‘Nuff Said dhe gjithmonë konkurenca mi kopjonte. Ndaj mendova që të gjeja një shprehje që nuk do ia dinin as kuptimin dhe as si ta shkruanin. Kështu lindi excelsior. Falë zotit këtë nuk e kopjuan më”. Ka thënë Stan Lee në një intervistë rreth origjinës së shprehjes.

Në Fortnite fraza  shfaqet në fund të ekranit, pavarësisht rezultatit të ndeshjes. Në fund të ekranit do të gjeni një “Excelsior!” të madh për përpjekien tuaj.

Sigurisht fansat ishit jashtëzakonisht të prekur dhe të impresionuar  nga kjo.

LTM e Avengers: Endgame është live në Fortnite dhe mund ta luani që tani dhe ndërkohë premiera e Avengers: Endgame është sot. Shpresojmë të keni rezervuar ndonjë biletë dhe të mos keni parë shumë spoliera vërdallë.